2 SAMUEL 14:24 - AMÜSÜH HÜM CL Bible (BSI)

²⁴ Kiulongthsüpuhnü tha, “Api nihbuh yam ching yüshang; api I miki mazahbeah.” Jumonü Absalomnü nihbuh yam lim yü, tüsho kiulongthsüpuh miki müyüzah.

2 SAMUEL 14:24 Iomraidhean Croise

THRÜNTAN 43:3

Tüshe Judanü api ki tha, “Nüsa lung nüsa niurü mübesho nüsanü I miro müngülo de mihtsürünü isa ki müküpde thado.

2 SAMUEL 13:20

Anihbe akhiung Absalomnü alibe ki tha, “Nü khiung Amnonnü lung lakhea de? I niurü, kheakü thsungkheaknü zhikang; api nü khiung ah; ha nü mulong ching dühan.” Jumonü Tamar a abahkhitkhi liberü kamde akhiung Absalom yam ching bin.

2 SAMUEL 14:28

Jumonü Absalomnü kiulongthsüpuh miki müyüzahde kam mahne bankhitde Jirusalem ching la.

2 SAMUEL 3:13

Apinü tha, “Tsülah; inü nü kheak tangzüng khülang thsübah. Tüshe nü kheaknü inü alunepü rhimo khülang ju: küyimki I shorupü arübanü, Saul tsührü Mikal mübesho küyimkishe I miki nü marü.”

ABEKHIT 10:28

Judüki Pharaonü api ki tha, “I kinü tsoang! Nünü I miro müngülopü mütsanang! Tümütüsho nünü I miro ngü nimung nü ashebah!”

AMIKHEAKAKHIUKKHI 22:4

arünü api miro ngübah, tüsho arü kingkangbo kheak api mung labah.