2 SAMUEL 14:19 - AMÜSÜH HÜM CL Bible (BSI)

¹⁹ Kiulongthsüpuhnü tha, “Hadürü alala ching Joabnü athsunganahkhea shi?” Alibenü alojihde tha, “Nü lale, I tungpuh kiulongthsüpuh, shenü she I tungpuh kiulongthsüpuhnü athakhi chingnü tsülim yungsho huzulim manguhkhuk. Tümüde nü yamlarü Joabnü I ki thiyukhüm jihkheah; apinü harü yubo alala nü yamlaberü mün ching yukjihkheah.

2 SAMUEL 14:19 Iomraidhean Croise

2 SAMUEL 11:11

Urianü David ki tha, “Sangdan tüsho Israel le Juda khimyam ching lah; tüsho I tungpuh Joab tüsho I tungpuh yamlarübo mükeak ching binkheamchoh; dale tüsho tsühyungpü tüsho I niube lung yappü I thüyam lim yüba shi? Nü rhangdung lakhi khiungde, inü hadürü mürhimo.”

2 SAMUEL 14:18

Judüki kiulongthsüpuhnü alibe ki alo, “Inü nü ki keokhi tümü lang she I ki düram.” Alibenü tha, “I tungpuh kiulongthsüpuhnü thaang.”

2 SAMUEL 14:3

Kiulongthsüpuh ki yüang tüsho api ki ha ruk asukang.” Tüsho tümü thabeanü Joabnü alibe ki thaa jih.

2 SAMUEL 18:13

Yungsho, inü api rhangdung kheak amütsü thsükhülaa–kiulongthsüpuhnü lüpdükhi sobah–judüki nünü I müzhipdokhuka labah.”

2 SAMUEL 3:27

Küyimki Abner Hebron lim alodarükhea, Joabnü api ki mükhingde athapü ripit limro lim bebah yü, tüsho ju ching apinü abuk ching düchip. Jumonü api Joab akhiung Asahel thiyih bukkhi dünkheaknü api she.

2 SAMUEL 3:29

Amülim ju Joab ku kheak, tüsho abuh yamkhün alala kheak yükihshang; tüsho Joab yamkhün a thiyih müyeankhi yungsho aphamkhi, yungsho tso shuhpü yungsho nukshangnü ashepü yungsho khümzungpü lashang!”

2 SAMUEL 3:34

Nü khahbo mürhük, nü jingbo mürhük; khürü mihbukmuyuk miki lungkhi nangde nü lungdo.” Tüsho mihtsürü alalanü kheaküshe api dünkheaknü mitrip.

2 KIULONG THSÜRÜ 2:2

Elijanü Elisha ki tha, “Ha kheak binang; tümüde Atungpuhnü I Bethel khiungde yüshihdo.” Tüshe Elishanü tha, “Atungpuh tüsho nü lale, inü nü mübahjih.” Jumonü ane Bethel lim yüki.

ABEKHIT 4:15

Nünü api ki thabah tüsho thiyu ju api mün ching yukjihbah; tüsho athapü thsungkheaknü inü nüke chido rungbah tüsho tümü thabea ju inü nüke chido ki thabah.

MÜCHITMUDU 25:2

Tümükhüh müyimpü ju Thrünpuh müretahkhi, tüshe tümükhüh yimkhitpü ju kiulongthsürübo müretahkhi lah.

MÜCHITMUDU 4:27

Tsülim yungsho huzulim danguh; amütsü chingnü nü jing atrütang.

WÜHKHE 20:17

Muzhobah isa nü lomi hode yüshang. Isanü thulubo yungsho kurungasolubo hode müyü, yungsho kekhip chingnü ke muyung; isanü kiulongthsüpuh limro ching lang ayübah; isanü nü lomi muhoyichokia tsülim yungsho huzulim manguh.”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

YUZÜNGTHALO 28:14

Jumonü inü khihni küpü yukhüm nüsa ki jihchonü nüsanü püpürü thrünpuhbo tankihpü ju kheaknü tsülim yungsho huzulim danguh.

YUZÜNGTHALO 5:32

“Jumonü Atungpuh nüsa Thrünpuhnü nüsa ki thiyukhüm jihkhi nangde kümkangde rhimoang; nüsanü tsülim khah yungsho huzulim danguh.

JIHUSUA 1:7

Judü lang reangzahang, mulong ato thsang; tüsho I yamlarü Mosanü ajihkhi yakzan alala anide arhimopü kümkangang. Ju chingnü tsülim yungsho huzulim danguh, ju hode küching küching yüyü she nünü akukbah.

1 SAMUEL 1:26

Tüsho alibenü tha, “O, I tungpuh! Nü rhangdung la khiungde, I tungpuh, I ha ching nü miki, Atungpuh kilim tamkhüntamnüde alakhi liberü ah.

1 SAMUEL 17:55

Küyimki Davidnü Goliath azhihde ayükhi Saulnü angükhea, apinü bonungrü limthobuh Abner ki tha, “ Abner, ha shepü tsührü a?” Abnernü tha, “O kiulongthsüpuh, nü rhangdung la khiungde, inü mümükheah.”

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 25:26

“Jumonü kheakü, I tungpuh, Atungpuh tüsho nü lale, tümütüsho Atungpuhnü thiyih bukpü tüsho nü khahnü royimpü chingnü nü danlodo, kheakü nü riri tüsho sherünü I tungpuh ki amütsü rhimo yimchonü Nabal nangde kamshang.