2 SAMUEL 14:17 - AMÜSÜH HÜM CL Bible (BSI)

¹⁷ Nü yamlaberünü lümdo, ‘I tungpuh kiulongthsüpuh yu hode I sühakhimshihbah’; tümüde I tungpuh kiulongthsüpuh a Thrünpuh yunirü nangde lah, atsü tüsho amütsü kheahkhitchoh. Atungpuh nü Thrünpuh nü lung lashang!”

2 SAMUEL 14:17 Iomraidhean Croise

2 SAMUEL 14:18

Judüki kiulongthsüpuhnü alibe ki alo, “Inü nü ki keokhi tümü lang she I ki düram.” Alibenü tha, “I tungpuh kiulongthsüpuhnü thaang.”

2 SAMUEL 14:20

Kheakü apungani müthripü thsungkheak nü yamlarü Joabnü ha rhimokheah. Tüshe alomi kheak lakhi alala mükheahpü thsüde Thrünpuh yunirü lümlung nangde I tungpuh a lümlung lah.”

2 SAMUEL 19:27

Apinü I tungpuh kiulongthsüpuh ki nü yamlarü mulomülapjihdo. Tüshe I tungpuh kiulongthsüpuh a Thrünpuh yunirü ruk ah; jumonü tümü nü tsükhi lanü rhimoang.

2 SAMUEL 19:28

Tümüde I pü buhtsührübo kiulongthsüpuh miki thülünde sheshih; tüshe nü yamlarü a nü dükhüm kheak yimtsührü lung nünü zojih. Kheaküshe kiulongthsüpuh ki mushupü I alim tümü la?”

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

JOB HU H T ANYU 6:30

Thiyuro mülakhi I mulo kheak la shi? I münnü amükekhi mümükheah düpü?

MÜCHITMUDU 27:21

Suna tüsho shotoyinchi ju monü thsahakheahchoh, tüshe mihtsürü a api mungshi ngükhinü rükakia kheahchoh.

MÜCHITMUDU 29:5

Mihtsürü shepünü api yamhingrü mülapyukchonü anihbuh jing thsungkheak azheang zochoh.

IBRI 5:14

Tüshe tsühyungbe amüküp ju azorü thsungkheak ah, tümüde sherünü athsükhukpü lanü amütsü chingnü atsü mütsankhitpü rhimoakheahde yeanzamdo.

JIHUSUA 1:17

Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang!

1 SAMUEL 29:9

Akishnü alo, “Nü Thrünpuh yunirü nangde I mük ki amülim müla de inü mükheahlah; judüalalashe, Filistia limthorübonü tha, ‘ Api isa lung keochihpung ching muwutu.’