2 SAMUEL 14:14 - AMÜSÜH HÜM CL Bible (BSI)

¹⁴ Isa alala ashebah; ke alo kheak buka bahbah momukhunglopü mukukkhi nangde isa lah. Thrünpuhnü she asherü arhang mükamloshih; tüshe ramtso chingnü mihtsürü khülang belodarüpü kiulongthsüpuhnü limro khülang yimkhitbeah.

2 SAMUEL 14:14 Iomraidhean Croise

2 SAMUEL 11:25

Davidnü yunithsürü ki tha, “Nünü ha Joab ki thaang, ‘ Hadürünü nü düniuknimshih, tümüde kheakü nukshangnü khülang she tüsho püpü she muyuabahchoh; kiuto yanpü müküpang, tüsho ju yanabahang.’ Tüsho api mulong thurumusuang.”

2 SAMUEL 14:15

Kheakü ha thapü I tungpuh kiulongthsüpuh ki I arükheah tümütüsho mihtsürübonü I trede kamshih; nü yamlaberünü lüm, ‘Inü kiulongthsüpuh ki thabah; api yamlaberünü amushukhi kiulongthsüpuhnü arhimopü labah.

1 KIULONG THSÜRÜ 11:39

Ha dünkheaknü inü David tsühsoniusobo thsümüchibah, tüshe lünnü yung.”

JOB HU H T ANYU 14:14

Mihtsürü khülang shebahle, api alode asürüba de? @POE TRY-3=Tüshe inü kim atsübo aleangbah, @POE TRY-3=ha thsümütsü kim kheamkhi khiungde aleangbah.

JOB HU H T ANYU 30:23

Nünü I arhang larü alala yüpü akhukhi dangpung limpeang ashe lim bede ayübah de inü mükheahlah.

JOB HU H T ANYU 34:15

rhangdung lakhi alala rukhühnü adükheakbah, tüsho mihtsürü alala asungthulung kamlobah.

JOB HU H T ANYU 34:19

Shepünü yakzanshuhrübo ki jakmükheahcho, zhochihrü kheaknü alü alarü ki wüntre müjihcho, tümüde arü alala api khah rhimo ah.

MUNGSHIKHÜN 22:14

I a ke nangde dungkhita lah, I robo phülapa lah. I mulong ju thürip nangde niuthünaka lah;

MUNGSHIKHÜN 22:15

I sühmüh ju phühkheam nangde kunga lah, I mulo khühlüh kheah dakkihchoh; nünü I ashebe asungthulung ching bahjihdo.

MUNGSHIKHÜN 58:7

Arübo ke bukde atsokhi nangde dükheakshang; arübo rim nangde jungnakshang tüsho yiuhabahshang.

MUNGSHIKHÜN 77:8

Api amüthsüm lünnü kheamdü de? Apinü alokhikhi lünnü müla de?

MUNGSHIKHÜN 79:3

Arünü arü thiyih ke nangde Jirusalem alala mükamde bukshih, tüsho arü kiuyuka bahpü she mülakheah.

MUNGSHIKHÜN 90:10

Isa rhangdung kambo ju kam 70; isa sühmüh lasho kam 80, tüshe jurübonü isa küpkhuk tüsho mulong rozhak hande arüchoh; ha nahde hoabahchoh, isa tsoabahchoh.

MUNGSHIKHÜN 90:3

Nünü mihtsürü asungthulung lim rholoshih, tüsho tha, “Rholoang, O mihtsürü tsührübo.”

ABEKHIT 21:13

Tüshe apinü anihbuh aleangde mübinde Thrünpuhnü api khah ching keamshihsho, inü amokhitpü lakhi dangpung ching api tsode ayübah.

T H S AN GYU T H S AN GR ARÜ 9:5

Arhang larünü arü ashebah de mükheahlah, tüshe ashekhinü tümü mümükheah; arü kheaküa thsambah müla, tüsho arü lümhan she dükheakdo.

TÜZHOKHI 3:31

Tümüde Atungpuhnü lünnü mübahyuk.

EZEKIEL 18:23

Mihbukmuyuk shekhi ching inü tümükhüh asühpü lade? Wuto Atungpuhnü thachoh. Ju müthri, küyimki arünü arü limro chingnü rholobah rhangdung labanü inü masühcho de?

LEVI 26:40

Tüshe nüsanü nihbuh neak tüsho jipürü neak alokhisho, küpünü I kheak thiyuro mülashihkhea, tüsho I azhihkhea,

WÜHKHE 35:15

Harü kiuto thuruk ju Israel mihtsürü, khiungkerü tüsho arü lung tsorua alarübo thsungkheak tsoyukpung kiuto thsübah, junangde khürünü müranglimnü mihtsürü laksahsho ju ching tsoyukde ayübah.

WÜHKHE 35:25

Jumonü botonü mihtsürü laksahbuh ju ashebuh buhtsührü khah chingnü bekhitbah api tsoyukde ayüpung kiuto ching alode ayüshihbah, tüsho amüsüh müdangkenü amüsühkhitbuh achangbe amükeambuh müshe khiungde api ju ching labah.

WÜHKHE 35:28

tümütüsho api ju achangbe amükeambuh müshe khiungde nihbuh tsoyukpung kiuto ching labeah. Tüshe achangbe amükeambuh sheabah dunglim mihtsürü laksahbuh ju nihbuh lapung lo ching yülopü kuklah.

MATHI 22:16

Tüsho arünü api kilim arü jingyanrü bolung Herod borü yüshihde tha, “Thsangyurü, nü thiyuro, tüsho thiyuro ching Thrünpuh limro thsangyuchoh de isanü mükheahlah; yungsho nünü she dünkheak kümkanga müla; tümüde nünü mihtsürü kheyuka müla.

YUNIRÜBO RHIMO 10:34

Peternü api mün khimshuh tüsho tha: “Tsükjide Thrünpuhnü jakmükheah de inü mütsanlah,

ROMRÜ KILIM PAULNÜ ATHRÜTKHI KIHÜM HUHTANYU 2:11

Tümüde Thrünpuhnü jakkheahkhi muhuhchoh.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

IBRI 9:27

Tüsho mihtsürübo khülangki shebah jushu thiyukhap arüpü lakhi nangde,

1 PETER 1:17

Jakmükheahde mihtsürü aban rhimo mahkhapbuh Abuh ki nüsanü jicho le, wüntre jihde ha ching mihsobo nangde nüsa rhangdungbo laang.