2 SAMUEL 14:1 - AMÜSÜH HÜM CL Bible (BSI)

¹ Kheakü kiulongthsüpuh lümkhi Absalom kheak lah de Zuria tsührü Joabnü mükheah.

2 SAMUEL 14:1 Iomraidhean Croise

2 SAMUEL 13:39

Tüsho kiulongthsüpuh mulong ching Absalom lümrhihde yüabah; tümüde kheaküa Amnon shekhi dünkheak api mulong shukheamabah.

2 SAMUEL 14:2

Joabnü Tekoa lim yüshih tüsho ju chingnü lümlung larü aliberü khülang bebah arü. Apinü alibe ki tha, “Atüzhorü khülang ruk rük thsüang; atüzhokhi khimmihbo yukang, nü kheak müdangke dümuju, tüshe mihshekhi dünkheak nimung ashang tüzhokhi aliberü khülang nangde yakli huhang.

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

2 SAMUEL 19:2

Jumonü ju nimung akuk ngükhi ju bonungrü alala thsungkheaknü atüzhopü ching müthriabah; tümüde ju nimung bonungrübonü so, “Kiulongthsüpuh api tsührü thsungkheak mulong rozhakchoh.”

2 SAMUEL 19:4

Kiulongthsüpuhnü amiro yihdo, tüsho düsheak achangnü trip, “O I tsah-a Absalom, O Absalom, I tsah-a, I tsah-a!”

2 SAMUEL 2:18

Zeruia tsührü mahsam ju, Joab, Abishai, tüsho Asahel. Kheakü Asahel ju shihmüchi nangde athride alakheah.

1 KIUTHSÜYUKHEAN 2:16

tüsho arü chiniurübo ju Zeruia, tüsho Abigail. Zeruia tsührübo: Abishai, Joab, tüsho Asahel, arü 3.

MÜCHITMUDU 29:26

Ahihkhühnü yakzanshuhrü amuzho yimchoh, tüshe mihtsürü thsungkheak thiyuro ju Atungpuh kilimnü ngüchoh.