2 SAMUEL 13:37 - AMÜSÜH HÜM CL Bible (BSI)

³⁷ Tüshe Absalom a alihyukde tso, tüsho Geshur kiulongthsüpuh Ammihud tsührü Talmai kilim yü. Davidnü api tsührü dünkheak nimung aban tüzho.

2 SAMUEL 13:37 Iomraidhean Croise

2 SAMUEL 13:34

Tüshe Absalom a alihyukde tso. Küyimki aheangrü athrününgtsüngbuhnü abinthrua kheahkhea, apinü awung yean Horonaim limro ching mihtsürü ahihkhüh arüde ngü.

2 SAMUEL 13:36

Apinü athakham akede kiulongthsüpuh tsührübo arünü khiung, tüsho arü düsheak shuhkihde trip; tüsho kiulongthsüpuh le ayamlarübo alalanü khide düsüknimde trip.

2 SAMUEL 14:13

Alibenü tha, “Dale tümü thsükhi Thrünpuh mihtsürü azhihde nünü hadürü lümkhi thsükhea? Kiulongthsüpuhnü ha thachoki, apinü nihbuh zangrü mübahyuk de, tümüde kiulongthsüpuhnü yankhita bahkhi nihbuh tsührü thüyam ching belode marü.

2 SAMUEL 14:23

Jumonü Joabnü tsahmusubah Geshur lim yü, tüsho Absalom ju Jirusalem lim bebah arü.

2 SAMUEL 14:32

Absalomnü Joab ki alo, “ Kheahang, inü nü kilim thiyu ha arüshihdo: Ha ching arang, junangde inü akeokhikhi ha mühahbah nü kiulongthsüpuh ki yüshihbah, ‘ Tümü thsüpü I Geshur chingnü arükhea? I ju ching lakhipünü atsübe thsüdo.’ Jumonü kheakü I kiulongthsüpuh miki yüzahanü; I kheak amülim lasho apinü I laksahshang!”

2 SAMUEL 15:8

Tümüde Siria lomi Geshur ching lachoki nü yamlarünü thiyuchihchim khülang thsüdo: Atungpuhnü I Jirusalem lim belodarüsho, inü Hebron ching Atungpuh kingaünbah.”

2 SAMUEL 3:3

mahnepü ju Karmelrü Nabal niube Abigailnü Kileab zübejih; asampü, Geshur kiulongthsüpuh Tamai tsührü Makanü Absalom zübejih;

1 KIUTHSÜYUKHEAN 3:2

asampü Geshur kiulongthsüpuh Talmai tsührü, Maaka kheaknü Absalom; aphüyipü Haggith kheaknü Adonija;