2 SAMUEL 13:36 - AMÜSÜH HÜM CL Bible (BSI)

³⁶ Apinü athakham akede kiulongthsüpuh tsührübo arünü khiung, tüsho arü düsheak shuhkihde trip; tüsho kiulongthsüpuh le ayamlarübo alalanü khide düsüknimde trip.

2 SAMUEL 13:36 Iomraidhean Croise

2 SAMUEL 12:21

Judüki ayamlarübonü api ki tha, “Nünü arhimokhi ha tümü a? Khungarü rhangdung lachoki nünü khümkeak thsü tüsho trip; tüshe küyimki khungarü sheabahkhea, nünü asürü tüsho tsühyung.”

2 SAMUEL 13:15

Judüki Amnonnü alibe kheak khide thraneanabah; apinü anihbe muzhokhi kheaknü alübe thraneanabah. Amnonnü alibe ki tha, “Asürang tüsho tsoabahang!”

2 SAMUEL 13:35

Jonadabnü kiulongthsüpuh ki tha, “ Kheahang, kiulongthsüpuh tsührübo arüdo; nü yamlarünü athakhi nangde ha dünjido.”

2 SAMUEL 13:37

Tüshe Absalom a alihyukde tso, tüsho Geshur kiulongthsüpuh Ammihud tsührü Talmai kilim yü. Davidnü api tsührü dünkheak nimung aban tüzho.

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”