2 SAMUEL 13:3 - AMÜSÜH HÜM CL Bible (BSI)

³ Tüshe Amnon müyambuh khülang amung Jonadab, David akhiung Shimea tsührü lakheah; tüsho Jonadab ju rük ayuk mihtsürü lakheah.

2 SAMUEL 13:3 Iomraidhean Croise

THRÜNTAN 3:1

Kheakü Atungpuh Thrünpuhnü athrünkhi shiwüh alala kheaknü phuruto ju rük amütsü lakheah. Tüsho phurutonü alibe ki keokhi, “Atsütsü shahwün ching lakhi sangdung küpü kheaknü she mütsühpü Thrünpuhnü thadü de?”

THRÜNTAN 38:1

Ju kim ching Judanü api keoniorübo kheaknü chamachih, tüsho Adullamrü Hira ki lapü yüki.

THRÜNTAN 38:20

Judüki Judanü alibe khah chingnü thiyuchihchim kukruk lushihpü api müyambuh Adullamrü kheaknü mihnu nunu mühah-a yüshih, tüshe apinü alibe müyimkhit.

2 SAMUEL 13:2

Api niurü Tamar dünkheaknü mulong thsünüde Amnon tukthsü kam, tümüde alibe atsangkhitkhi lakheah tüsho Amnonnü alibe kheak tümü müthsükhukpü nangde alakheah.

2 SAMUEL 13:32

Tüshe David akhiung Shimea tsührü Jonadabnü tha, “Arünü kiulongthsüpuh tsührü athrününgtsüngbo alala laksahkhamdo de I tungpuhnü dülüm; Amnon lang shea lah. Ha Amnonnü aniurü Tamar kheak amütsü rhimokhi nimungnü Absalomnü alümkihkheah.

2 SAMUEL 13:4

Apinü anihbuh ki tha, “O kiulongthsüpuh tsührü, tümüde nü a yapsu abande pheakmulukdo la? Nünü I ki müthaba de?” Amnonnü api ki tha, “Inü I khiung Absalom niurü Tamar muzholah.”

2 SAMUEL 14:2

Joabnü Tekoa lim yüshih tüsho ju chingnü lümlung larü aliberü khülang bebah arü. Apinü alibe ki tha, “Atüzhorü khülang ruk rük thsüang; atüzhokhi khimmihbo yukang, nü kheak müdangke dümuju, tüshe mihshekhi dünkheak nimung ashang tüzhokhi aliberü khülang nangde yakli huhang.

2 SAMUEL 21:21

Küyimki apinü Israel müneahkhea, David akhiung Shimei tsührü Jonathannü api laksah.

1 KIUTHSÜYUKHEAN 2:13

Jesse tsührü adüjibuh Eliab, mahnepü Abinadab, asampü Shimea,

1 KIUTHSÜYUKHEAN 27:32

Jonathan, David akü, lümthiyan-jihrü, anikhitkhi mihtsürü tüsho athrütrü lakheah; Hakmoni tsührü Jehielnü kiulongthsüpuh tsührübo küm.

ESTER 5:10

Tüshe alangzü danyukde thüyam lim yü. Junangde apinü she amüyamrü ayam ching jiyuk tüsho aniube Zeresh she arü lung beshih.

ESTER 5:14

Ju ching aniube le amüyamrübonü hade tharung, “Nünü süksahdung ashanglim limthrip 22nü thsang, jude thsah shido yapsu kiulongthsüpuh ki thabah Mordekai ju kheak zhinde sheshang, tüsho nü aniojikhi ching asühde yüang.” Haman nü ha lümkhi atsü ah de lümbah süksahdung thsakham.

ESTER 6:13

Hamannü api kheak dünjikhi aniube le amüyamrübo ki thakhama huh. Aniube le amüyamrü mükheahmudurübonü api ki tha, “Nü wu dükheakmuroh. Mordekai ju Jihudarü ah, tüshe nünü api mukuk. Dükde apinü nü kukbah.”

MÜCHITMUDU 19:6

Ahihdonü adungtorü amuzho ngüpü mürangchoh, tüsho mihtsürü aban thsambahbo jihrü müyamrü ah.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

1 KORINT 3:19

Tümütüsho ha lomi lümlung ju Thrünpuh miki makhakhi lah, tümüde ha thrüta lah, “Apinü arü rükri chingnü lümlung tholochoh,”

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.

MAHKHAPRÜ 14:20

Tüsho Samson niube ju api yamkhün thsükhi thünio ching atrubuh mihtsürü kilim jihabah.

1 SAMUEL 16:11

Samuelnü Jesse ki tha, “Nü tsührü alala ha ching la shi?” Tüsho apinü tha, “ Kheakü akheambuh aninga lah, tüshe api namfimihnu neakchoh.” Tüsho Samuelnü Jesse ki tha, “ Api ha ching arüshang; tümüde api ha ching marüyichokia isa mübin.”

1 SAMUEL 16:9

Jushu Jessenü Shamma hoshih. Tüsho apinü tha, “Atungpuhnü ha she mumokhit.”