2 SAMUEL 13:28 - AMÜSÜH HÜM CL Bible (BSI)

²⁸ Judüki Absalomnü ayamlarübo ki thiyukhüm jih, “ Küyimki Amnon yukhu kheak mulong jihba tüsho küyimki inü nüsa ki Amnon kingang de athabanü, api laksahang. Dütre; inü nüsa ki thiyukhüm müjih de? Mulong toang tüsho athrungrü thsang.”

2 SAMUEL 13:28 Iomraidhean Croise

THRÜNTAN 9:21

Judüki api yukhu yungbah müshang, tüsho anihbuh khimyam ching bünkeang lakheah.

2 SAMUEL 11:13

Davidnü api ju tsühyungpü api miki jiyuk tüsho api müshangshih; tüsho arelim api tungpuh yamlarü lung binkiu kheak yappü wukhiuk, tüshe apinü ayam lim müyüki.

2 SAMUEL 11:15

Kihüm ching apinü ha ruk thrüt, “Keochihkhi amuthsuk mikhuh limpeang, Uria yüshang, tüsho api kheaknü zuhloang, junangde api laksahshihbah.”

2 SAMUEL 12:10

Kheakü jumonü nukshang nü yam chingnü küyimkishe müchamachih, tümüde nünü I mükhemükimdo, tüsho Hitbuh Uria niube nü niube thsüpü ludo.

2 SAMUEL 13:27

Tüshe Amnon tüsho kiulongthsüpuh tsührübo alala api lung marüshihyi khiungde Absalomnü api kheak nimkihde tha. Absalomnü kiulongthsürü thünio nangde thünio mung.

2 SAMUEL 14:6

Nü yamlaberü tsührü athrürü mahne lakheah, tüshe ane thulu chingnü keochih-a lah; ane mihrungrü she mülakheah, tüsho khülangnü khülang buh kheak king tüsho api laksah.

1 KIULONG THSÜRÜ 20:16

Ben-hadad tüsho api lung arihrü kiulongthsürübo 32 khimyam ching müshangde yungde alachoki, arünü animuro yanmusu.

ESTER 1:10

Thünio athüne nipü kiulongthsüpuh ju yukhu yungde asühkhi hode ayamlarü dukhabo harü thüne jiyuk: Mehuman, Biztha, Harbona, Bigtha, Abagtha, Zethar, tüsho Karkas.

MUNGSHIKHÜN 104:15

tüsho mihtsürü mulong asühshihpü yukhu, api miro zhingzhingshihpü müdangke, tüsho mihtsürü mulong düküngshihpü yikhap.

ABEKHIT 1:18

Jumonü kiulongthsüpuhnü zübe-mütrürübo ju jibah tha, “Tümüde nükenü tsührü athrürübo rhangdung lashihcho?”

T H S AN GYU T H S AN GR ARÜ 10:19

Aniojikhibo ju keangrümüne thsungkheak ah; yukhunü rhangdung asühshihchoh, tüsho nü yihnüpü lüpdükhi ngüchoh.

T H S AN GYU T H S AN GR ARÜ 9:7

Yüang, asühde nü jim tsühang, tüsho mulong asühde yukhu yungang; tümüde adüsonü nü rhimo Thrünpuhnü leangkhido.

DANIEL 5:30

Ju tsüngrenü Kaldea kiulongthsüpuh Belshazzar ju laksah.

NAHUM 1:10

Arübo ayangbo nangde thrukrama lah, amüshangrü nangde arübo müshanga lah; arübo amukuh sünit nangde aniua lah.

LUKNÜ ATHRÜTKHI THIYUSHEAK-ATSÜ HUHTANYU 21:34

“Tüshe nüsa kurhangang, jude yungsho aniojikhi, müshangmuru, ha rhangdung mulong sansannü nüsa mulong mülangrüpdo alabah, tüsho ju nimung nüsa phuhpü müthsübitde arübah.

YUNIRÜBO RHIMO 5:29

Judüki Peter tüsho amüsüh-thsangyurü püpürünü alo tüsho tha: “Isanü mihtsürü kheaknü a Thrünpuh ki mihyuanibah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

MAHKHAPRÜ 19:22

Arübo mulong asühde alachoki, zukleangnü kiuto ching müzammüramrü mihtsürübonü arübah khimdopü kheak yüm. Arünü thüyam putungrü, ashinbuh ki tha, “Nü yam ching arürü mihtsürü bede akhiukang, junangde isanü api kheak müzammürambah!”

MAHKHAPRÜ 19:6

Jumonü anenü binbah rukhühnü tsühyung. Ju dunglim alibe abuhnü tha, “ Muzhobah khihre binang tüsho nü asühang.”

MAHKHAPRÜ 19:9

Küyimki athrüpü lung anihbuh hanniube tüsho ayamlabuh atsopü wusukheanü, akü, alibe abuhnü tha, “ Kheakü kheahang, azhingpü thsüchoh. Ha ching yapang; zhingabahpü thsüchoh. Binloang tüsho asühang. Shido mükikde asürübah nüsa yam lim yüang.”

RUTH 3:7

Küyimki Boaz tsühyungkhamkhea, api asühkhi ching lakheah. Tüsho hi wumujungkhi yean yünü yap. Judüki Ruthnü mükhihde tsahde arübah khim lokhia bahbahle ajing kheak yap.

1 SAMUEL 18:22

Saulnü ayamlarübo ki thiyukhüm jih, “Bemuwuhbah David ki thaang, ‘ Kheahang, kiulongthsüpuhnü nü kheak asühlah, tüsho ayamlarü alalanü nü muzholah; jumonü kheakü kiulongthsüpuh tsühmeakrü kamang.’”

1 SAMUEL 28:10

Tüshe Saulnü alibe ki Atungpuh mung chingnü thiyuchihchim, “ Ha dünkheaknü nü kheak thsümütsü tümü marü de Atungpuh mung tamde thiyuchihchimchoh.”

1 SAMUEL 28:13

Kiulongthsüpuhnü alibe ki tha, “Dütre; nünü tümü ngücho?” Alibenü Saul ki tha, “ Alo chingnü atukhi me inü ngüchoh.”