2 SAMUEL 13:1 - AMÜSÜH HÜM CL Bible (BSI)

¹ Kim anükhüh dunglim, David tsührü Absalom niurü akheahakhamkhi amung Tamar lakheah; tüsho David tsührü Amnonnü alibe kheak muzho.

2 SAMUEL 13:1 Iomraidhean Croise

THRÜNTAN 29:18

Kheakü Jakobnü Rachel muzho; tüsho apinü tha, “Inü nü tsührü akheambe Rachel dünkheak nü kam thüne tankihbah.”

THRÜNTAN 29:20

Jumonü Jakobnü Rachel dünkheak kam thüne tankih, tüshe apinü alibe muzhokhinü jurü nimung anükhüh nangde alakheah.

THRÜNTAN 34:3

Api menü Jakob tsührübe Dina khide mürüh, apinü anünübe muzho tüsho anihbe ki muzhode asuk.

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

2 SAMUEL 11:2

Ha dünji, arelim küyimki David ayapkiu kheaknü asürübah kiulongthsürü yam kumung tsahde alakhea, apinü aliberü khülang kemüyihde thüyam kheaknü ngü; alibe ju khide akheahpü atsü lakheah.

2 SAMUEL 13:15

Judüki Amnonnü alibe kheak khide thraneanabah; apinü anihbe muzhokhi kheaknü alübe thraneanabah. Amnonnü alibe ki tha, “Asürang tüsho tsoabahang!”

2 SAMUEL 13:2

Api niurü Tamar dünkheaknü mulong thsünüde Amnon tukthsü kam, tümüde alibe atsangkhitkhi lakheah tüsho Amnonnü alibe kheak tümü müthsükhukpü nangde alakheah.

2 SAMUEL 14:27

Absalom kilim tsührü athrürü 3 zübejih, tüsho aliberü 1 amung Tamar lakheah; alibe ju akheahakhamkhi lakheah.

1 KIULONG THSÜRÜ 11:1

Kiulongthsüpuh Solomonnü Pharao tsührü lungnü khiungkerü liberü ahihdo muzho: Moabberü, Amonberü, Edomberü, Sidonberü, tüsho Hitberü.

1 KIUTHSÜYUKHEAN 3:2

asampü Geshur kiulongthsüpuh Talmai tsührü, Maaka kheaknü Absalom; aphüyipü Haggith kheaknü Adonija;

1 KIUTHSÜYUKHEAN 3:9

Harü alala hanniuberü tsührübo thsürubah David tsührübo lakheah; tüsho api tsührübe she Tamar lakheah.

MÜCHITMUDU 31:30

Amürühkhi ju mülapmüji tüsho jaktsükhi akeangkeang, tüshe aliberü shepünü Atungpuh trechonü, anihbe shijihbeah.

MÜCHITMUDU 6:25

Anihbe jaktsükhi nü mulong chingnü dümürüh, yungsho anihbe mükküpnü nü düphuhshih,