2 SAMUEL 12:9 - AMÜSÜH HÜM CL Bible (BSI)

⁹ Api miki amütsü lakhi tümüde nünü Atungpuh yu amülim kamshihkhea? Nünü Hitbuh Uria nukshangnü laksahdo; nünü aniube ju nü niube thsüpü ludo, tüsho Amonrü nukshangnü api laksahdo.

2 SAMUEL 12:9 Iomraidhean Croise

2 SAMUEL 11:4

Jumonü anihbe lupü thsungkheaknü yunithsürü yüshih, alibe ju api kilim arü, tüsho apinü alibe lung yap. (Kheakü alibe khinu shihcham yü dunglim tsangkhitde alakheah.) Jushu alibenü ayam lim alode yü.

2 SAMUEL 12:10

Kheakü jumonü nukshang nü yam chingnü küyimkishe müchamachih, tümüde nünü I mükhemükimdo, tüsho Hitbuh Uria niube nü niube thsüpü ludo.

2 SAMUEL 16:7

Shimeinü athruchoki zhi, “Akhiukang! Akhiukang! Mihlaksahrü! Mihbukmuyuk!

1 KIULONG THSÜRÜ 15:5

tümütüsho tümü Atungpuh miki alungkianü Davidnü rhimo, tüsho Hitbuh Uria dünkheak hode, apinü anihbuh kilim thiyukhüm jihkhi tümü ching lang she api rhangdung amuyung rholode mutso.

1 KIULONG THSÜRÜ 21:19

Nünü api ki thaang, “Atungpuhnü ha thachoh: Nünü mihtsürü laksahdü de, tüsho yamalo she ludü de?” Nünü api ki thaang, “Atungpuhnü ha thachoh: khihnubonü Naboth thiyih müleakpung ching, khihnubonü nü thiyih she amüleakbah.”

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

MUNGSHIKHÜN 51:14

O Thrünpuh, thiyih bukkhi mülimkhi chingnü I bekhitang, nü I akhümkhit Thrünpuh, tüsho inü asühde nü thiyuro-lungki zhiyukbah.

MUNGSHIKHÜN 51:16

Tümüde nünü laksah-a kingaünkhi mulune, jude yungkhülaa inü jih-a labah; nünü taka kingaünkhi ching masühchoh.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

MUNGSHIKHÜN 90:8

Nünü isa amülimbo nü miki, rama lakhi isa neakbo nü yo ayinatrüm ching zo.

MÜCHITMUDU 14:2

Shepünü nihbuh alungki ching tsahchonü Atungpuh trechoh, tüshe shepü nihbuh limro mulungkinü api mükhemükimchoh.

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

JEREMIA 18:10

tüshe I yu manide I miki amütsü rhimosho, judüki inü atsü rhimopü lümkhi müthribah.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

1 SAMUEL 15:19

Dale tümü thsükhi nünü Atungpuh yu manikhea? Tümüde nünü ayankhikhi kukruk lim nanachihde yükikhea tüsho Atungpuh miki amütsübe rhimokhea?”

1 SAMUEL 15:23

Tümüde azhihde arhimokhi ju thümüthiyi nangde neak tüsho nihnihrarakhi ju amülimkhi tüsho sangthsü kingaünkhi ruk ah. Tümütüsho nünü Atungpuh yu bahyukdo, apinü nü she kiulongthsürü chingnü bahyukdo.”

1 SAMUEL 15:26

Samuelnü Saul ki tha, “Inü nü kilim murholo; tümüde nünü Atungpuh yu bahyukdo, tüsho nü Israel kurungkheak kiulongthsürü chingnü Atungpuhnü bahyukdo.”