2 SAMUEL 12:7 - AMÜSÜH HÜM CL Bible (BSI)

⁷ Nathannü David ki tha, “Mihtsürü ju nü ah! Atungpuh Israel Thrünpuhnü ha thachoh: Inü nü Israel kurungkheak kiulongthsürü thsüpü mujude-mokhit, tüsho inü nü Saul khah chingnü khümkhit;

2 SAMUEL 12:7 Iomraidhean Croise

2 SAMUEL 14:13

Alibenü tha, “Dale tümü thsükhi Thrünpuh mihtsürü azhihde nünü hadürü lümkhi thsükhea? Kiulongthsüpuhnü ha thachoki, apinü nihbuh zangrü mübahyuk de, tümüde kiulongthsüpuhnü yankhita bahkhi nihbuh tsührü thüyam ching belode marü.

2 SAMUEL 22:1

Davidnü ha khün ha Atungpuhnü api riribo, tüsho Saul khah chingnü bekhitkhi nimung Atungpuh ki thsü.

2 SAMUEL 22:49

shepünü I riri kheaknü I bekhit; nünü I azhihrü kurungkheak I shuhkihjih, nünü I thiyih bukpü chingnü bekhit.

2 SAMUEL 7:8

Kheakü jumonü nünü ha I yamlarü David ki thaang: Wuto Atungpuhnü ha thachoh: Inü nü mükeak ching namfimihnu dunglim yande alakhi chingnü I mihtsürü Israel kurungkheak yakzan shuhshihpü lukheah;

1 KIULONG THSÜRÜ 14:7

Yüang, Jeroboam ki thaang, ‘Atungpuh , Israel Thrünpuhnü ha thachoh: Tümütüsho mihtsürü bolungnü inü nü shuhkihde, I mihtsürü Israel kurungkheak limberü thsüshih,

1 KIULONG THSÜRÜ 18:18

Apinü alo, “Inü Israel küpkhuk müjih; tüshe nü tüsho nü buh yamkhünnü küpkhuk jihdo, tümütüsho nünü Atungpuh yukhümbo bahyuk tüsho Baalbo yando.

1 KIULONG THSÜRÜ 20:40

Nü yamlarü halim julim münganchoki, api tsoabah.” Israel kiulongthsüpuhnü api ki tha, “Dale tüsho nü mah thsübah; nünü ju alokhikheah.”

1 KIULONG THSÜRÜ 20:42

Judüki apinü anihbuh ki tha, “Atungpuhnü ha thachoh, ‘ Tümütüsho inü athsümünimpü lakhi mihtsürü nünü tsoshihdo, jumonü nü rhangdung ju api rhangdung dün labah, tüsho nü mihtsürü ju api mihtsürü dün labah.’”

MUNGSHIKHÜN 18:1

Inü nü muzholah, O Atungpuh , I sühmüh.

JEREMIA 34:6

Judüki wukihbuh Jeremianü harü yubo alala Jirusalem ching Juda kiulongthsüpuh Zedekia ki asuk,

DANIEL 4:22

ju nü ah, O kiulongthsüpuh! Nü tode zokih tüsho düküngde kam. Nü tokhi alü kam tüsho thüning khiung tüsho nü wunü alomi akheambo khiung.

MATHI 14:14

Jisunü wukhiukbah yimto ato ngüchoki, apinü arü muzhode lüm tüsho arü tukthsü thsüngujih.

1 SAMUEL 13:13

Samuelnü Saul ki tha, “Nünü bünkeangbünrude rhimodo; apinü nü kilim thiyukhüm jihkhi Atungpuh nü Thrünpuh yukhüm nünü manidebahdo. Atungpuhnü nü kiulongthsü Israel kurungkheak lünnü alashihpü thsükheah,

1 SAMUEL 15:17

Samuelnü tha, “Nü ju nü mük ching aninikhüh thsüa lalashe, nü Israel trükbo kurungkheak aku khülang yung de? Atungpuhnü nü Israel kurungkheak kiulongthsürü thsüshihpü mujude-mokhitkhi yung de?

1 SAMUEL 16:13

Judüki Samuelnü oliv müdangke pung lu, tüsho akhiungmungrü mikinü api mujude-mokhit; tüsho ju nimungnü Atungpuh me ju wu chingnü David kheak arü. Jushu Samuelnü tsahmusu tüsho Rama lim yü.

1 SAMUEL 18:11

tüsho Saulnü thsüh ju jipa yüshih, tümüde apinü lüm, “Inü David ju rhü kheak kheankihbah.” Tüshe Davidnü mahne ki jukphülapabah.

1 SAMUEL 18:21

Saulnü lüm, “Inü anihbe api kilim jihbah alibe ju anihbuh thsungkheak qimürip thsüshihanü tüsho Filistiarünü api laksahbah.” Jumonü mahne kipü Saulnü David ki tha, “ Kheakü nü I tsühmeak thsübah.”

1 SAMUEL 23:14

Davidnü awung lomi Ziph sunglo lungkhün ching bin. Saulnü animokhün api yim, tüshe Atungpuhnü api khah ching müjih.

1 SAMUEL 23:7

Kheakü David ju Keilah ching arüa lah de Saulnü so. Tüsho Saulnü tha, “ Thrünpuhnü api I khah ching jihdo; tümüde api zangrünü ripit tüsho akhrihbe lakhi kiuto ching azhakbah rihdodo.”