2 SAMUEL 12:22 - AMÜSÜH HÜM CL Bible (BSI)

²² Apinü tha, “Khungarü rhangdung lachoki, inü khümkeak thsü tüsho trip; tümüde Atungpuhnü I ki amuzho huhde khungarü ju müsheshihpü labah de inü lüm.

2 SAMUEL 12:22 Iomraidhean Croise

2 SAMUEL 12:21

Judüki ayamlarübonü api ki tha, “Nünü arhimokhi ha tümü a? Khungarü rhangdung lachoki nünü khümkeak thsü tüsho trip; tüshe küyimki khungarü sheabahkhea, nünü asürü tüsho tsühyung.”

2 KIULONG THSÜRÜ 20:3

“O Atungpuh , inü nü ki zhoshechoh, inü thiyuronü nü miki mulong shuhmülanga jihde atsahkhi tüsho alungki rhimokhi kheakü lümkhitjang.” Hezekianü düsüknimde trip.

ISAIA 38:5

“ Yüang tüsho Hezekia ki thaang, Atungpuh , nüsa jipürü David Thrünpuhnü ha thachoh: Inü nü tamkhüntamnü sodo, inü nü chike ngüdo; inü nü rhangdung ching kam 15 yuklojihbah.

JOEL 1:14

Khümkeak khülang lapü zhiyukang, amüsüh amukhung khülang lapü jiang. Azothsürübo tüsho lomi mihtsürü alala Atungpuh nüsa Thrünpuh yam ching mukhungang tüsho Atungpuh ki zhiang.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

JONA 1:6

Wühkenobuhnü arü tüsho api ki tha, “Tümü thsüde nü a yapshea la le? Asürang, nü thrünpuh ki jiang! Khükia thrünpuhnü isa thsungkheak lümrhihbah, junangde isa müdükheak.”