2 SAMUEL 12:20 - AMÜSÜH HÜM CL Bible (BSI)

²⁰ Judüki Davidnü alo kheaknü asürübah müsühmüra, nihbuh zangrü mujude-müsühkhit, tüsho akhimmihbo müthria lu. Apinü Atungpuh yam ching yüzah tüsho kingaün; jushu api nihbuh yam lim yü; tüsho küyimki apinü akeokheanü, arünü amiki jim zojih tüsho apinü yimtsüh.

2 SAMUEL 12:20 Iomraidhean Croise

2 SAMUEL 12:19

Tüshe Davidnü api yamlarübo ramde asukachihkhi ngü, khungarü sheabahdo de apinü anikhit; tüsho Davidnü api yamlarübo ki tha, “Khungarü shea la de?” Arünü alo, “Api shea lah.”

2 SAMUEL 12:21

Judüki ayamlarübonü api ki tha, “Nünü arhimokhi ha tümü a? Khungarü rhangdung lachoki nünü khümkeak thsü tüsho trip; tüshe küyimki khungarü sheabahkhea, nünü asürü tüsho tsühyung.”

2 SAMUEL 14:2

Joabnü Tekoa lim yüshih tüsho ju chingnü lümlung larü aliberü khülang bebah arü. Apinü alibe ki tha, “Atüzhorü khülang ruk rük thsüang; atüzhokhi khimmihbo yukang, nü kheak müdangke dümuju, tüshe mihshekhi dünkheak nimung ashang tüzhokhi aliberü khülang nangde yakli huhang.

2 SAMUEL 19:24

Saul tsührü-tsührü Mephiboshet kiulongthsüpuh shorupü aki; kiulongthsüpuh Jirusalem chingnü atsokhi nimungnü tsüde alodarü khiungde apinü ajing muniuh, yungsho mükhühnam mümüwah, yungsho akhimmih mümüsühde alakheah.

2 SAMUEL 6:17

Arünü Atungpuh sangdan lubah yüzah, tüsho khimyam alunglim Davidnü thsüa zokhi azopung kheak zo; tüsho Davidnü taka kingaün tüsho mungtsü kingaünkhi Atungpuh miki jih.

2 SAMUEL 7:18

Judüki kiulongthsüpuh Davidnü yüzah tüsho Atungpuh miki binbah tha, “O Atungpuh T HRÜNPU H , I shepü a, I yamkhün tümü lakhinü I ha khiungde bedarükhea?

JOB HU H T ANYU 1:20

Judüki Jobnü asürü, api yo shulünkhim thorüp, api ku hüt, tüsho alo kheak khukningbah kingaün.

JOB HU H T ANYU 2:10

Tüshe apinü anihbe ki tha, “Mudukmüke liberü nangde nünü thachoh. Isanü Thrünpuh khah chingnü atsü leangkhibah amütsü müleangkhiba de?” Ha alala ching Jobnü amün hode neak müyihbeak.

MUNGSHIKHÜN 103:1

Atungpuh shiang, O I me; tüsho I kheak lakhi alala, api amüsüh mung shiang!

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

MUNGSHIKHÜN 95:6

O arang, isanü kingaünanü tüsho mükhümanü; isanü Atungpuh isa Thrünrü miki khukninganü.

MÜCHITMUDU 3:7

Nü küdah thsüde nü alü lümlung larü ah de dülüm; Atungpuh treang tüsho amütsü chingnü rholoang.

T H S AN GYU T H S AN GR ARÜ 9:8

Nü khimmihbo kamruhroro müyeshang; nü ku kheak müdangke mujuang.

MATHI 6:17

Tüshe küyimki nü khümkeak thsübanü, nü ku kheak müdangke yihkihang tüsho nü miro damang,

LUKNÜ ATHRÜTKHI THIYUSHEAK-ATSÜ HUHTANYU 7:46

Nünü I ku kheak müdangke mümujujih, tüshe alibenü rhümthüneabenü I jing mujujih.

RUTH 3:3

Jumonü müsühmürabah rhümthüneabe mujumüraang, tüsho khimmih atsübe yihbah api hi nitpung ching yüang, tüshe api mütsühyungkhamki nü ju ching lah de dümükheahshih.

1 SAMUEL 15:25

Jumonü kheakü, inü tamkhüntamnüchoh, I neak bahjang, tüsho I kilim rholoang, junangde inü Atungpuh kingaünanü.”

1 SAMUEL 15:31

Jumonü Samuelnü Saul kilim rholode yü; tüsho Saulnü Atungpuh kingaün.