2 SAMUEL 12:16 - AMÜSÜH HÜM CL Bible (BSI)

¹⁶ Jumonü Davidnü khungarü thsungkheaknü Thrünpuh ki mushu; Davidnü khümkeak thsü, tüsho akhiungshak ching yüzahbah alo kheak tsüngreroro yap.

2 SAMUEL 12:16 Iomraidhean Croise

2 SAMUEL 12:15

Jushu Nathannü api yam lim yüabah. Uria niubenü David kilim zübejihkhi khungarü kheak Atungpuhnü shik, tüsho mülangde tukthsüde kam.

2 SAMUEL 12:22

Apinü tha, “Khungarü rhangdung lachoki, inü khümkeak thsü tüsho trip; tümüde Atungpuhnü I ki amuzho huhde khungarü ju müsheshihpü labah de inü lüm.

2 SAMUEL 13:31

Kiulongthsüpuhnü asürübah akhim rukrüp, tüsho alo kheak yap; tüsho api ki zhiprü ayamlarü alalanü arü khim rukrüp.

1 KIULONG THSÜRÜ 21:27

Küyimki Ahabnü thiyu jurü sokhea, apinü akhim thorüp tüsho apang keangkeang kheak shungliukhim yuk; apinü khümkeak thsüde shungliukhim ching yap, tüsho mulong rozhakde mükamde tsah.

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 69:10

Küyimki inü atripba tüsho khümkeak thsübanü, mükhemükimkhi inü arümpü kamchoh;

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

DANIEL 6:18

Jushu kiulongthsüpuhnü ayam ching yü tüsho khümkeak thsüde tsüngre hoshih; apinü tsühyungpü tümü mütsüh, asühako müla tüsho yapshede müyü.

DANIEL 9:3

Jushu inü tamkhüntamnü chingnü mushude khümkeak thsüde tüsho shungliukhim yihbah awah ching awuhde Atungpuh T H RÜ NPU H kilim rholode yü.

JONA 3:9

Shenü mükheahla? Thrünpuhnü lümalobah tüsho api lüm müthribah; api buk müshakde akhiukkhi chingnü apinü atuklobah, junangde isa müdükheak.”

YUNIRÜBO RHIMO 9:9

Tüsho nimung mahsam apinü mükheahkhukde mütsühyungde alakheah.

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.