2 SAMUEL 12:13 - AMÜSÜH HÜM CL Bible (BSI)

¹³ Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

2 SAMUEL 12:13 Iomraidhean Croise

THRÜNTAN 39:9

Ha yam ching I hobah sheshe ato müla; yungsho I kheaknü tümü she tukloa muzo tüshe nü lang ah, tümütüsho nü api niube ah. Dale küde thsah inü ha amütsü ato rhimopü, tüsho Thrünpuh azhihde neak yihbeakpü?”

2 SAMUEL 24:10

Tüshe ju dunglim, David mulong thsümünim tümütüsho apinü mihtsürübo wühkhe lu. Davidnü Atungpuh ki tha, “Inü arhimokhi ching neak tode yihbeakdo. Tüshe kheakü, O Atungpuh , inü nü ki tamkhüntamnüchoh, nü yamlarü neak bahjang; tümüde inü bünkeangbünrude rhimodo.”

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

1 KIULONG THSÜRÜ 13:4

Küyimki Thrünpuh mihtsürünü kingaün sadam azhihde Bethel ching zhikhi kiulongthsüpuhnü asokhea, Jeroboamnü kingaün sadam kheaknü akhah chungkhitbah tha, “Api ramang!” Tüshe api azhihde akhah chungkhitkhi ju thripshe thsüabah, junangde apinü anihbuh kilim tholoa mulukhuk.

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIULONG THSÜRÜ 1:9

Judüki kiulongthsüpuhnü api kilim thünim yo wühkenorü lung api mihtsürü 50 yüshih. Apinü awung mujuk kheak binde alakhi Elija kilim wutu tüsho api ki tha, “O Thrünpuh mihtsürü, kiulongthsüpuhnü thachoh, ‘ Akiang.’”

1 KIUTHSÜYUKHEAN 21:8

Davidnü Thrünpuh ki tha, “Inü ha rhimokhinü tode neak yihbeakdo. Tüshe kheakü, inü nü ki tamkhüntamnüchoh, nü yamlarü mülimkhi lude tsoang; tümüde inü khide makhade rhimodo.”

2 KIUTHSÜYUKHEAN 16:10

Judüki Asanü wukihbuh kheak bukakhiuk, tüsho api rihyam ching yuka zo, tümüde ha dünkheaknü api kheak abukakhiuk. Tüsho judüchoki Asanü mihtsürü khürü kheak bukakhiukde rhimo.

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

JOB HU H T ANYU 33:27

Apinü mihtsürübo kheahbah thachoh, “Inü neak yihbeak, tüsho alungki lakmih tüsho ju I kilim müjihlo.

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 51:16

Tümüde nünü laksah-a kingaünkhi mulune, jude yungkhülaa inü jih-a labah; nünü taka kingaünkhi ching masühchoh.

MUNGSHIKHÜN 51:4

Nü azhihdü lang inü neak yihbeakdo, tüsho nü miki tümü amütsüanü rhimodo. Junangde nünü asukchoki nü alim ngübah; tüsho nünü mahkhapchoki amudopü müla.

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

ABEKHIT 9:27

Tüsho Pharaonü Mosa le Aron jibah tha, “Ha kim ching inü neak yihbeakdo. Atungpuh ju thiyurolungki tüsho I mihtsürübo le I mihbukmuyuk ah.

MÜCHITMUDU 25:12

Lümlung lakhi mihtsürünü athürühkhi ju anide alakhi nükhün ching suna nüpü yungsho suna atsüdak zülu nangde lah.

MÜCHITMUDU 28:13

Shepünü nihbuh neakbo ramchonü akuk müngüchoh, tüshe shepünü jurü alokhiabahcho tüsho bahyukchonü mihmüthsüm labah.

ISAIA 38:17

Tsükjide ha I sühakhimpü thsungkheaknü I tode akhühkhi lado; tüshe athsümünimrü shingkung chingnü nünü I me bekhit, tümüde nünü I neak alala nü dunglim bahjih.

ISAIA 43:24

Nünü I khilim shonü niungyidung muthulojih, yungsho nünü alaksahkhi müdangnü I reangmükeamshih. Tüshe nü neakbonü I hah mülangshihdo; nü amülimbonü I khishihdo.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

TÜZHOKHI 3:32

Apinü mulong rozhak jihjih she anihbuh amuzho düküngkhi yande apinü mihmuzho labah;

LEVI 20:10

Athrürü shepünü nihbuh yamhingrü niuberü kheak müzammürambanü, müzammürambuh tüsho müzammürambe ane chido dükde asheshihbah.

LEVI 24:17

Khürünü mihtsürü laksahsho api asheshihbah.

ZEKARIA 3:4

Yunirünü api miki zhiprübo ki tha, “Amüneankhi khimmihbo ju api kheaknü yihkhitjang.” Tüsho apinü anihbuh ki tha, “ Kheahang, inü nü mülimkhi nü kheaknü hande tsochoh, tüsho inü nü khimmih aso phuyujihbah.”

MATHI 14:10

Jumonü apinü yüshihbah rihyam chingnü Johan ku lipkhishih.

LUKNÜ ATHRÜTKHI THIYUSHEAK-ATSÜ HUHTANYU 15:21

Tüsho atsührünü api ki tha, ‘Abuh, inü yinmi azhihde tüsho nü miki neak yihbeakdo, tüsho I kheaküa nü tsührü de ajipü müthülün.’

LUKNÜ ATHRÜTKHI THIYUSHEAK-ATSÜ HUHTANYU 18:13

Tüshe rukthrebuhnü limshude zhip. Apinü thüning lim she abinkih-a mükheah, tüshe akhüh yümde tha, ‘Thrünpuh, I aneakrü ki amüthsüm laang!’

YUNIRÜBO RHIMO 2:37

Küyimki arünü ha sokheanü arü küpkhukde kam, tüsho Peter le aningkhi amüsüh-thsangyurübo ki tha, “Keoniorübo, isanü küde athsüba?”

IBRI 9:26

dükhülaa alomi thrünchoki Khrista ahihdo ki thsünüa labah. Tüshe kheakü lün akheam ching anihbuh shuhmülanga jihkhinü neak hande atsopü thsüde rüpde khülangki lang api arüdo.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

1 SAMUEL 15:20

Saulnü Samuel ki tha, “Inü Atungpuh yu anido, inü Atungpuhnü athiyikhi rhimo ching yüdo, inü Amalek kiulongthsüpuh Agag hande arüdo, tüsho Amalekrü alala laksahkhamdo.

1 SAMUEL 15:30

Judüki Saulnü tha, “Inü neak yihbeakdo; judüalalashe kheakü I mihtsürü azothsürü tüsho Israel miki I wüntre jihang, tüsho I kilim rholoang, junangde inü Atungpuh nü Thrünpuh kingaünbah.”