2 SAMUEL 12:10 - AMÜSÜH HÜM CL Bible (BSI)

¹⁰ Kheakü jumonü nukshang nü yam chingnü küyimkishe müchamachih, tümüde nünü I mükhemükimdo, tüsho Hitbuh Uria niube nü niube thsüpü ludo.

2 SAMUEL 12:10 Iomraidhean Croise

THRÜNTAN 20:3

Tüshe azhing milim ching Thrünpuh Abimelek kilim arü, tüsho tha, “Nü ashebah, tümütüsho nünü ha liberü ludo; anihbe arhangkhi liberü ah.”

2 SAMUEL 18:33

Kiulongthsüpuh mulong sükde tukthsü, tüsho ripit kumung akhiungshak ching wutu, tüsho trip; tüsho anihbuh tsochoki, apinü tha, “O I tsah-a Absalom! Nü müthri I müshede, O Absalom, I tsah-a, I tsah-a!”

1 KIULONG THSÜRÜ 15:5

tümütüsho tümü Atungpuh miki alungkianü Davidnü rhimo, tüsho Hitbuh Uria dünkheak hode, apinü anihbuh kilim thiyukhüm jihkhi tümü ching lang she api rhangdung amuyung rholode mutso.

MÜCHITMUDU 17:13

Shepünü atsü dün amütsü jihlochonü, api yam chingnü amütsü müchamachih.

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

WÜHKHE 11:20

tüshe khinu khülang amuyung, nüsa mulongmüngüm arüde tüsho mumukhiukyi khiungde atsühbah, tümütüsho nüsa bolung lakhi Atungpuh nüsanü bahyukdo tüsho api ki tripde tha, ‘ Isa tümü thsüpü Ijip chingnü akhiukkheaki?’ ”

MATHI 26:52

Jisunü api ki tha, “Nü nukshang ayukpung ching yukloang, tümütüsho nukshang ahorirü alala nukshangnü ashebah.

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

1 TESALONIKA 4:8

Jumonü sherünü ha bahyukchonü mihtsürü yungde nüsa kilim Amüsüh Me jihbuh Thrünpuh bahyukchoh.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.