2 SAMUEL 11:8 - AMÜSÜH HÜM CL Bible (BSI)

⁸ Judüki Davidnü Uria ki tha, “Nü yam lim yükiang, tüsho nü jing müsühang.” Urianü kiulongthsüpuh yam chingnü wukhiuk, tüsho ju yanalünde kiulongthsüpuhnü api kilim thsambah khülang jih.

2 SAMUEL 11:8 Iomraidhean Croise

THRÜNTAN 18:4

Muzhobah ke anikhüh lude arübah nü jing müsühshang, tüsho sangdung khüp nü sühakhimang.

THRÜNTAN 19:2

Tüsho apinü tha, “Kheakü aniang, O I tungrübo, muzhobah nüsa yamlarü yam ching arang tüsho azhing ching binkheambah nüsa jing müsühang; jushu nüsa mükikde asürang tüsho nüsa limro ching yüang.” Tüsho arünü tha, “Muh, isa azhing ching wungdophulung binbah.”

THRÜNTAN 43:24

Jumonü kimthsübuhnü mihtsürübo ju Josep yam ching beyuk tüsho arü kilim ke jihbah arü jing müsüh; tüsho apinü arü yo donkibo ke duh.

THRÜNTAN 43:34

Judüki Josep dükhüm kheaknü arü kilim ahiuhakhip, tüshe Benjamin kilim a arü kheaknü alü phüngü ki ahiuh. Junangde arünü api lung asühde tsühyung.

MUNGSHIKHÜN 12:2

Mihbüm abannü api yamhingrü ki akeangyu thachoh; arünü münjipjipde mülapyukchoh.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

MUNGSHIKHÜN 55:21

Api mün ching thiyubo ju shihkingkung kheaknü athünakbe, tüshe api mulong ching thirithsü lakheah; api yubo ju müdangke kheaknü athünakbe tütüshe jurübo ayuk nukshangbo lakheah.

ISAIA 29:15

Are! Nüsa sherünü Atungpuh kheaknü limshude lümkhi khide sükde ramcho, shepü rhimobo amiting ching la, tüsho shepünü thacho, “Shenü isa ngüla? Shenü isa mükheahla?”

LUKNÜ ATHRÜTKHI THIYUSHEAK-ATSÜ HUHTANYU 12:2

Tümütüsho amikheak makhiukpü thsüde tümü yihdoa müla, yungsho mümükheahpü thsüde rama müla.

LUKNÜ ATHRÜTKHI THIYUSHEAK-ATSÜ HUHTANYU 7:44

Jushu alibe kilim anguhde apinü Simon ki tha, “Nünü ha liberü ngücho shi? I nü yam ching azahdo, nünü I jing müsühpü ke müjih, tüshe alibenü achikenü I jing pangbah akuyünü nanjih.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.