2 SAMUEL 11:2 - AMÜSÜH HÜM CL Bible (BSI)

² Ha dünji, arelim küyimki David ayapkiu kheaknü asürübah kiulongthsürü yam kumung tsahde alakhea, apinü aliberü khülang kemüyihde thüyam kheaknü ngü; alibe ju khide akheahpü atsü lakheah.

2 SAMUEL 11:2 Iomraidhean Croise

THRÜNTAN 12:11

Api Ijip ching yüzahpü lachoki, apinü aniube Sarai ki tha, “Nü a jaktsükhi liberü ah de inü mükheahlah.

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

THRÜNTAN 34:2

Tüsho küyimki lomi yakzanshuhbuh Hivrü Hamor tsührü Shekemnü alibe ngükhea, apinü anihbe bea lubah amütsü thsü tüsho alibe thsümünim.

THRÜNTAN 39:6

Junangde api lakhi alala Josep khah ching jih, tüsho anihbuhnü tsühyungkhi kheak hode apinü tümü mümükheahde alakheah. Tüsho Josep ju trungdung tüsho akheahpü atsü lakheah.

THRÜNTAN 6:2

Thrünpuh tsührübonü mihtsürü tsührü liberübo jaktsüde ngü; tüsho arünü amürühkhi yamkhün thsü.

2 SAMUEL 13:1

Kim anükhüh dunglim, David tsührü Absalom niurü akheahakhamkhi amung Tamar lakheah; tüsho David tsührü Amnonnü alibe kheak muzho.

2 SAMUEL 14:27

Absalom kilim tsührü athrürü 3 zübejih, tüsho aliberü 1 amung Tamar lakheah; alibe ju akheahakhamkhi lakheah.

2 SAMUEL 4:5

Kheakü Beerothrü Rimmon tsührü Rekab tüsho Baana ane tsahmusu, tüsho animuro Ishboshet yam ching api sühakhimde alachoki arü.

2 SAMUEL 4:7

Kheaküshe api yappung khiungshak dükhüm kheak binde alachoki ayam ching arü; anenü api laksah tüsho aku lipshaka lu. Jushu anenü aku lubah tsüngreroro Araba limro lim tso.

JOB HU H T ANYU 31:1

Inü I mükbo bede tangzüng khülang thsüdo; dale küde thsah inü anünürü kheak kheahkhukpü?

MUNGSHIKHÜN 119:37

Müthülünkhi kukrukbo kheahkhi chingnü I mükbo rholoshang, tüsho nü limro ching I thsüphulojang.

MÜCHITMUDU 19:15

Yomuhyothsünkhinü yapnekudopü hande arüchoh, tüsho yiuhyiuhrara mihtsürü a khümde lachoh.

MÜCHITMUDU 31:30

Amürühkhi ju mülapmüji tüsho jaktsükhi akeangkeang, tüshe aliberü shepünü Atungpuh trechonü, anihbe shijihbeah.

MÜCHITMUDU 6:25

Anihbe jaktsükhi nü mulong chingnü dümürüh, yungsho anihbe mükküpnü nü düphuhshih,

MÜCHITMUDU 7:8

kiudunglimro ching anihbe mühit phünide hode la; tüsho apinü alibe yam lim tsahde yü,

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

MATHI 10:27

Tümüpürü inü amiting ching nüsa ki thachonü, animuro asukang, tüsho tümü nüsa nükhün ching sochonü, thüyam münbo kheaknü zhiang.

MATHI 24:17

Shepü thüyammün kheak lanü api yam chingnü tümükhüh lupü düyüki.

MATHI 5:28

Tüshe khürünü aliberü kheak mürühde kheahsho api mulong chingnü anihbe kheak müzammüramdo de inü nüsa ki thachoh.

YUNIRÜBO RHIMO 10:9

Ashidopü hantsahde kiuto phünide arübah, Peternü animuro ngüm thüyam mün kheak tamkhüntamnüpü yükih.

YUZÜNGTHALO 22:8

“Küyimki nünü thüyam aso thsübanü thüyam mün yande khudopü thsang, junangde ju kheaknü khürü ayokhikhi hode nü yam kheak thiyih bukkhi amülim marü.

YUZÜNGTHALO 5:21

“Nünü nü yamhingrü niube dümürüh; tüsho nü yamhingrü yam, thulu, yamlarü athrürü tüsho aliberü, moshipung, donki, yungsho api lakhi tümü she dülune.

1 PETER 4:7

Alala akheam thüninde lah; jumonü nüsanü tamkhüntamnüpü kukpü thsüde lümkhi amüsüh tüsho zangrü danyukde laang.

1 JOHAN 2:16

Tümüde alomi ching lakhi alala, shihnü akünkhi, müknü amürühkhi tüsho lülüshishi rhangdung ju Abuh yo yung tüshe alomi yo ah.

1 SAMUEL 9:25

Küyimki arü kingaün sadam kheaknü kiuto lim akikhea, Saul khilim thüyam kumung ching yapkiu khima zojih-a lakheah, tüsho api ju kheak yap.