2 SAMUEL 11:11 - AMÜSÜH HÜM CL Bible (BSI)

¹¹ Urianü David ki tha, “Sangdan tüsho Israel le Juda khimyam ching lah; tüsho I tungpuh Joab tüsho I tungpuh yamlarübo mükeak ching binkheamchoh; dale tüsho tsühyungpü tüsho I niube lung yappü I thüyam lim yüba shi? Nü rhangdung lakhi khiungde, inü hadürü mürhimo.”

2 SAMUEL 11:11 Iomraidhean Croise

2 SAMUEL 11:10

Küyimki arünü, Uria ayam lim müyüki de David ki thakhea, Davidnü Uria ki tha, “Nü kheakü hantsahkhi chingnü arüdo. Tümü thsükhi nü yam lim müyüki le?”

2 SAMUEL 14:19

Kiulongthsüpuhnü tha, “Hadürü alala ching Joabnü athsunganahkhea shi?” Alibenü alojihde tha, “Nü lale, I tungpuh kiulongthsüpuh, shenü she I tungpuh kiulongthsüpuhnü athakhi chingnü tsülim yungsho huzulim manguhkhuk. Tümüde nü yamlarü Joabnü I ki thiyukhüm jihkheah; apinü harü yubo alala nü yamlaberü mün ching yukjihkheah.

2 SAMUEL 20:6

Davidnü Abishai ki tha, “Kheakü Bikri tsührü Shebanü Absalom kheaknü alü isa ki rhimobah; nü tungpuh yamlarübo bea lubah api müshamang, ju yungsho apinü chipi ayünkhi kiutobo yimkhitbah ajikbah, tüsho isa kheaknü atsokhibah.”

2 SAMUEL 7:2

kiulongthsüpuhnü Nathan wukihrü ki tha, “ Kheakü kheahang, I cedar sang yam ching lachoh, tüshe Thrünpuh sangdan a khimyam ching lah.”

2 SAMUEL 7:6

Inü Israel mihtsürü Ijip chingnü bekhitkinü khihni khiungde I thüyam ching mülaakheah, tüshe I a khimyam tüsho arüngkhimyam ching lang yüla arüla de alakheah.

WÜHKHE 32:6

Tüsho Mosanü Gad le Reuben tsührübo ki tha, “Nüsa keoniorübo thirithsü ching yüchoki nüsa ha ching binba de?

JOHAN 13:14

Junangde I nüsa Tungpuh tüsho Thsangyurünü nüsa jingbo müsühkheasho, nüsanü she khülangnü khülang jing müsühjihbeah.

2 TIMOTHI 2:12

isanü arümsho, isa she api lung kiulongthsübah; isanü api reanglosho, apinü she isa reanglobah;

1 SAMUEL 1:26

Tüsho alibenü tha, “O, I tungpuh! Nü rhangdung la khiungde, I tungpuh, I ha ching nü miki, Atungpuh kilim tamkhüntamnüde alakhi liberü ah.

1 SAMUEL 14:18

Saulnü Ahija ki tha, “Atungpuh sangdan ha ching lubah arang.” Tümüde judüki Atungpuh sangdan Israelrü lung lakheah.

1 SAMUEL 17:55

Küyimki Davidnü Goliath azhihde ayükhi Saulnü angükhea, apinü bonungrü limthobuh Abner ki tha, “ Abner, ha shepü tsührü a?” Abnernü tha, “O kiulongthsüpuh, nü rhangdung la khiungde, inü mümükheah.”

1 SAMUEL 20:3

Tüshe Davidnü she thiyuchihchimde tha, “Nünü I muzholah de nü buhnü tsüde mükheahlah; tüsho ha Jonathannü dümükheahshih jude yungsho api mulong rozhakbah de apinü lümchoh. Tüshe tsükjide Atungpuh tüsho nü lale, I tüsho ashepü dükeak jingdükü zahlah.”

1 SAMUEL 25:26

“Jumonü kheakü, I tungpuh, Atungpuh tüsho nü lale, tümütüsho Atungpuhnü thiyih bukpü tüsho nü khahnü royimpü chingnü nü danlodo, kheakü nü riri tüsho sherünü I tungpuh ki amütsü rhimo yimchonü Nabal nangde kamshang.

1 SAMUEL 4:4

Jumonü arünü mihtsürübo Shilo ching yüshih tüsho cherubim dükeak binkhi Wuto Atungpuh tangzüng sangdan ju chingnü lubah arü. Eli tsührü mahne, Hophni tüsho Phinehas Atungpuh tangzüng sangdan lung arü.