2 SAMUEL 11:1 - AMÜSÜH HÜM CL Bible (BSI)

¹ Mükheankim ching, kiulongthsüpuhnü thirithsü yüchoki, Davidnü Joab lung atorübo tüsho Israel alala bebah yüshih; arünü Amonrü kuk tüsho Rabba kiuto yanabah. Tüshe David a Jirusalem ching bin.

2 SAMUEL 11:1 Iomraidhean Croise

2 SAMUEL 10:14

Küyimki Siriarü tsokhi Amonrünü angükhea, arü she Abishai müngüh tso, tüsho kiuto ching yüzah. Jushu Joabnü Amonrü bede keochihkhi chingnü alodarü tüsho Jirusalem lim yü.

1 KIULONG THSÜRÜ 20:22

Judüki Israel kiulongthsüpuh ki wukihrü arü tüsho api ki tha, “Arang, nü reangzahang, tüsho nünü tümü thsübeanü düshihde lümakheahang; tümüde mükheankim ching Siria kiulongthsüpuh nü azhihde atulobah.”

1 KIULONG THSÜRÜ 20:26

Mükheankim ching Ben-hadadnü Siriarü jimukhung tüsho Israel bede keochihpü Aphek ching wutu.

1 KIUTHSÜYUKHEAN 20:1

Kiulongthsürübo thirithsü yükhi kim, mumükin ching, Joabnü bonungrü bebah Amonrü lomi thsümünimjih, tüsho arübah Rabba yan. Tüshe David a Jirusalem ching lakheah. Joabnü Rabba zündo tüsho yanabah.

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

MUNGSHIKHÜN 60:9

Shenü I chipi ayünkhi kiuto ching bede ayüba? Shenü I Edom lim bede ayüba?

T H S AN GYU T H S AN GR ARÜ 3:8

amuzhopü kim khülang, tüsho athraneanpü kim khülang; thirithsüpü kim khülang, tüsho mungtsüpü kim khülang.

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

JEREMIA 49:3

Mulong rozhakang, O Heshbon, tümüde Ai thsümünima yaplah! Zhiang, O Rabba tsührübebo! Shungliukhim rümkihang, tüzhoang tüsho yingyingde api yo amükeamrübo tüsho atorübo rukhühnü alihang, tümüde Molek ramtso ching yüpü lah.

EZEKIEL 21:20

Amonrü kiuto Rabba azhihde arüpü nukshang limro khülang amütsan tüsho püpü ju Juda tüsho chipi ayünkhi Jirusalem azhihde thsang.

AMOS 1:14

Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

ZEKARIA 14:3

Judüki Atungpuhnü keochih nimung apinü keochihkhi nangde khuhto ching yübah tüsho jurü trükshihbo bede keochihbah.

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)

1 SAMUEL 18:30

Judüki Filistiarü bonungrü keochihpü akhiuk; tüsho arü akhiukkhi aban Saul yamlarübo kheaknü Davidnü alü thsüde akuk ngü, junangde api mungshikhi khide ato kam.