2 SAMUEL 10:18 - AMÜSÜH HÜM CL Bible (BSI)

¹⁸ Siriarünü Israel müngüh tso; tüsho Davidnü Siriarü lolungbe berü 700, khoraberü 40,000 laksah, tüsho bonungrü limthobuh Shobak yurijih, tüsho api ju ching sheabah.

2 SAMUEL 10:18 Iomraidhean Croise

2 SAMUEL 10:17

Küyimki Davidnü ha sokhea, apinü Israel alala bemukhungbah Jordan ho tüsho Helam lim arü. Siriarünü David azhihde thürünga zhip tüsho api bede keochih.

2 SAMUEL 8:4

Davidnü api kheaknü khoraberü 700, tüsho jingnü atsahrü bonungrü 20,000 lu. Apinü lolungbe 100 thsungkheak khorabo suhdahde zobah aningkhi alala ajing lipshakjih.

1 KIULONG THSÜRÜ 11:24

Davidnü alaksahshu apinü anihbuh mükamde ajingyanrü bemukhung tüsho mihkhukrü khunung kurungkheak limberü kam; arübo Damaska ching yübah la, tüsho api Damaska ching kiulongthsürü kamshih.

1 KIUTHSÜYUKHEAN 19:18

Siriarünü Israel müngüh tso; tüsho Davidnü Siriarü khoralolungbe berü 7000 tüsho jingbonungrü 40,000 laksah, tüsho arü bonungrü wühkenobuh Shophak she laksah.

MUNGSHIKHÜN 18:38

Inü arü yurijih, junangde arübo masürükhuk; arübo I jing khüp keam.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 68:2

Mokhüh kita tsoshihkhi nangde, arü yana tsoshang; thürip mo miki niuabahkhi nangde, mihbukmuyuk ju Thrünpuh miki dükheakshang.

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.

MAHKHAPRÜ 4:22

Baraknü Sisera müshamde arü, tüsho Jaelnü api shorupü wukhiuk, tüsho api ki tha, “ Arang, nünü shepü mihtsürü yimchonü inü ahuhbah.” Jumonü apinü alibe yam ching yüzah tüsho Sisera amüchip ching müzam müjipbah shea yapde lakheah.

MAHKHAPRÜ 5:26

Alibenü khimyam müzam akhah khülang ching, rhimorü yümlung thripkhüh ching zhim; alibenü Sisera lak tüsho akuro züthünak; alibenü api ku chingnü chinkhitshih.