2 SAMUEL 10:12 - AMÜSÜH HÜM CL Bible (BSI)

¹² Reangzahang, tüsho isanü isa mihtsürü tüsho isa Thrünpuh kiutobo dünkheaknü mulong toanü; tüsho Atungpuhnü api tsükhi thsüshang.”

2 SAMUEL 10:12 Iomraidhean Croise

2 SAMUEL 10:11

Apinü tha, “I thsungkheaknü Siriarü khide müküpsho, nünü I rungang; tüshe nü thsungkheaknü Amonrü khide müküpsho, I arübah tüsho nü rungbah.

2 SAMUEL 15:26

Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

1 KIUTHSÜYUKHEAN 19:13

Reangzahang, tüsho isanü isa mihtsürü tüsho isa Thrünpuh kiutobo thsungkheak mulong toanü; tüsho Atungpuhnü tümü api ki atsüanü rhimoshang.”

2 KIUTHSÜYUKHEAN 32:7

“Reangzahang tüsho mulong toang. Asiria kiulongthsüpuh tüsho api lung bekhi boto miki dütre yungsho mulong dünini; tümüde api lung lakhi kheaknü atobe isa lung lah.

NEHEMIA 4:14

Mihtsürübonü mulong sansankhi ngübah inü arübo limberü tüsho atorübo ki tha, “Isa riri dütre. Atungpuh lümkhitang. Api küdükhüh ato tüsho atrebe, tüsho apinü nüsa mihtsürü, nüsa tsührübo, nüsa niuberü tüsho nüsa yambo thsungkheak keochihjihchoh.”

NEHEMIA 4:8

Jumonü arünü mulomülapde Jirusalem yanpü arü tüsho ju ching neamneamjih,

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

JOB HU H T ANYU 1:21

Apinü tha, “I be nuyam chingnü I bünkeang arükheah, tüsho I bünkeang yülobah; Atungpuhnü jih, tüsho Atungpuhnü lude tsodo; Atungpuh mung müngühmühi thsüshang.”

WÜHKHE 13:20

tüsho alo ju tsüla shi mütsü, tüsho ju ching sangdung la shi mülanü kheahang. Mulong toang, tüsho ju lo chingnü akhiukkhi sangaso khürü hanbah arang.” Ju kurungaso münpü kim lakheah.

1 KORINT 16:13

Kurhangang, akin ching düküngde zhipang, mulong toang, reangzahang.

YUZÜNGTHALO 31:6

Düküngang tüsho mulong ato thsang, dütre yungsho arü ki trede düla: tümüde Atungpuh nü Thrünpuh nüsa lung yüchoh; apinü nüsa müdükhe yungsho mübahyuk.”

YUZÜNGTHALO 31:7

Judüki Mosanü Israelrü alala mikinü Jihusua jibahle tha, “Reangzahang tüsho mulong toang, tümüde Atungpuhnü harü jihshihpü arü jipürü ki thiyuchihchimkhi lo ching ha mihtsürübo lung nü ayübeah, tüsho nü hode ju arünü yamrüplurüp lubah.

IBRI 11:33

sherünü akin hode kiulongthsübo kuk, thiyuro rhimo, tüsho alokhia lakhi leangkhi, kekhüzübo mün tukloshih,

IBRI 13:6

Jumonü isanü mulongram lade thachoh, “Atungpuh ju I rungrü ah, inü mütre; mihtsürünü I ki tümü thsükhukpü?”

JIHUSUA 1:18

Sherünü nü yukhüm azhihbanü tüsho manibanü arübo asheshihbah. Reangzahang tüsho mulong ato thsang!”

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

MAHKHAPRÜ 10:15

Judüki Israelrünü Atungpuh ki tha, “Isanü neak yihbeakdo! Nünü atsükhi isa kheak rhimoang; khihni isa lang bekhitang, isanü tamkhüntamnüchoh.”

1 SAMUEL 14:12

Thiriribonü Jonathan tüsho api thsühnuk hanbuh ane ki tha, “Isa kilim atung, tüsho isanü nüke ki tümükhüh huhbah.” Jonathannü thsühnuk hanbuh ki tha, “I dunglim arang; tümüde Atungpuhnü arübo Israel khah ching jihdo.”

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:32

Davidnü Saul ki tha, “ Api dünkheak sheshe mulong düthsümünimshih; nü yamlarünü yübah ha Filistiabuh kheak keochihbah.”

1 SAMUEL 3:18

Jumonü Samuelnü api ki alala tha tüsho api ki tümü she mümüyim. Tüsho apinü tha, “ Ha Atungpuh lah; apinü atsükhi thsüshang.”

1 SAMUEL 4:9

Mulong toang, tüsho athrüpungrü thsang, O Filistiarü, junangde arübo nüsa ki lakhi nangde nüsa Ibrirü ki azhorü mükam; athrüpungrü thsang tüsho keochihang.”