2 SAMUEL 1:23 - AMÜSÜH HÜM CL Bible (BSI)

²³ Saul tüsho Jonathan, amuzhodakkhi tüsho atsüdak! Rhangdung lachoki tüsho ashechoki ane mazü; ane müleangtopü kheaknü athribe lakheah, ane kekhüzübo kheaknü sühmüh lakheah.

2 SAMUEL 1:23 Iomraidhean Croise

2 SAMUEL 1:24

O Israel tsührübo, Saul mitripang, shepünü nüsa kheak shoto mürümbo phuyujihkhea, shepünü nüsa khim kheak suna zütbo yihkihjihkhea.

2 SAMUEL 2:18

Zeruia tsührü mahsam ju, Joab, Abishai, tüsho Asahel. Kheakü Asahel ju shihmüchi nangde athride alakheah.

2 SAMUEL 23:20

Kabzeelrü Jehoiada tsührü Benaia athrungrü thirithsürü, ato rhimorü lakheah; apinü Moabrü Ariel tsührü 2 kiua lungshih. Kheaküshe apinü phürüm shu nimung yükibah kekhüzü khülang alokhün chingnü laksah.

1 KIUTHSÜYUKHEAN 12:8

Gadrü kilimnü athrungrü tüsho thirithsü ching rük zahrü, tsung tüsho thsüh shuhsorü, miro kekhüzübo nangde, tüsho awung ching alihde atsahkhi rimsung nangde David kilim sunglo chipi ayünkhi ching yü:

JOB HU H T ANYU 9:26

Arübo athukhi sangkung nangde, müleangnü shiwüh kheak keamkhi nangde yüchoh.

MÜCHITMUDU 30:30

Kekhüzübo, shiwüh bolung sühmüh lah tüsho sheshe mütre;

KHÜNBOLUNGKHÜN 5:16

Api yu thakhi khide niunglah, tüsho api a alala tsülah. Ha I tsübuh tüsho api I müyambuh, O Jirusalem tsührü liberübo.

JEREMIA 4:13

Kheahang! Api amobo nangde akihchoh, api khora-lolungbe chitmühean nangde; api khorabo müleang kheaknü athribe–isa are, tümüde isa thsümünima lah!

TÜZHOKHI 4:19

Isa müshamrübo ju thüning ching müleangbo kheaknü athribe lakheah; arünü isa müzüngbo kheak yande müsham, arünü sunglo ching isa aleangde bin.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

MAHKHAPRÜ 14:18

Jumonü kiuto mihtsürübonü thüne nipü ani yüzahpü müngüh api ki tha: “ Mukhuke kheaknü aniungbe tümü a? Kekhüzü kheaknü amürangbe tümü a?” Tüsho apinü arü ki tha, “Nüsanü I moshi drelü lung muwochakkhülaa, inü akeokhikhi nüsanü müyimkhit.”

1 SAMUEL 18:1

Küyimki Davidnü Saul ki asukachihkhamkhea, Jonathan menü David me kheak lümshede kam, tüsho Jonathannü nihbuh me nangde api muzho.

1 SAMUEL 20:2

Apinü anihbuh ki tha, “ Ju kheaknü limshuang! Nü müshe. I buhnü I ki müthadüa ato yungsho anini tümü she müthsüchoh; tüsho tümü thsükhi I buhnü ha I kheaknü arampü? Küyimkishe yung!”