2 SAMUEL 1:21 - AMÜSÜH HÜM CL Bible (BSI)

²¹ O Gilboa wungbo, nü kheak ayinke yungsho tsüng dakishih, ju lubo ching hi dakhiukshih! Tümüde ju ching wulakhi tsung thsümünimabah, oliv müdangkenü mujukhi Saul tsung kheaküa müla.

2 SAMUEL 1:21 Iomraidhean Croise

1 KIUTHSÜYUKHEAN 10:1

Kheakü Filistiarünü Israel bede keochih; tüsho Israel mihtsürü Filistiarü müngüh alihde tso, tüsho Gilboa wung kheaknü laksah.

1 KIUTHSÜYUKHEAN 10:8

Ashidopü küyimki Filistiarünü ashemi lupü arükhea, arünü Saul tüsho api tsührübo Gilboa wung kheak yapkhi ngü.

KHÜNBOLUNGKHÜN 4:4

Nü hung ju David aheangsadam nangde lah, mükamde shahshah thsülah; ju kheak thirithsürü tsungbo nangde tsungnini chithürü zhinlah.

ISAIA 21:5

Arünü dükhüm kheanga zochoh, arünü sangbün-nüpnüp khima zochoh, arünü tsühchoh, arünü yungchoh. Asürang, limthorübo, tsungbo müdangke lünang!

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

EZEKIEL 31:15

Atungpuh Thrünpuhnü ha thachoh: Ha Ashe-lomi ching yüzah nimung inü tüzhode asük kumung khimdo, tüsho wudoabah; inü ayungbo tukloshih, tüsho ke atobo mütsanmüküh. Inü Lebanon amonü mitingdo khüpdo, tüsho thulu sangdungbo alala keamabah.

JOEL 1:9

Hi kingaün tüsho ayungbe kingaün Atungpuh yam chingnü tuklodo. Atungpuh tankihrü, amükeamrübonü tüzhochoh.

JOEL 2:14

Khükia Atungpuh nüsa Thrünpuhnü api lümkhi müthribah tüsho suhdahde nüsa ki hi müngühjihbah. Junangde nüsanü hi tüsho yukhu api ki jihbah.

MAHKHAPRÜ 5:23

Meroz athruang, Atungpuh yunirünü tha, ju ching larü khühde athruang, tümütüsho arünü Atungpuh rungde wuto azhihde keochihpü marü.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 31:1

Kheakü Filistiarünü Israel bede keochih; tüsho Israelrübo Filistiarü müngüh tso, tüsho ahihdo Gilboa wung ching keamabah.

1 SAMUEL 31:8

Ashidopü, küyimki Filistiarünü ashemi lupü arükhea, arünü Saul tüsho atsührü mahsam Gilboa wung kheak yapa ngü.