2 SAMUEL 1:20 - AMÜSÜH HÜM CL Bible (BSI)

²⁰ Gad ching dütha, Ashkelon kiudunglimrobo ching düzhi; jude yungsho Filistiarü tsührübonü asühachihbah, tsütamübahkhi tsührübonü asühachihbah.

2 SAMUEL 1:20 Iomraidhean Croise

EZEKIEL 16:27

Jumonü nü azhihde I khah chungkih tüsho nü lomi nükde kamshih; inü nü rhimo-yakli kheahbah achih ngürü, Filistiarü, nü riri kilim jih.

EZEKIEL 16:57

nü mihbukmuyuk mülahkhityiki ah. Kheaküshe nü a Edom tsührübebo tüsho anihbe yamhingrü alala tüsho Filistia tsührübebo–nü mühirü alalanü nü mükhemükimchoh.

MIKA 1:10

Ha Gath ching dütha, judü lang midütrip; Beth-ophra ching nüsabonü asungthulung ching awuhang.

MAHKHAPRÜ 11:34

Küyimki Jephtha Mizpa ching anihbuh yam lim alungkhea, atsührübe ju züpzüppü shuhbah tsünde api shorupü akhiuk; tüsho api tsührü alibe ju lang alakheah. Alibe kheak kihode tsührü athrürü yungsho aliberü mülakheah.

MAHKHAPRÜ 14:19

Judüki Atungpuh me api kheak tode arü, tüsho apinü Ashkelon lim yüki tüsho mihtsürü 30 laksahbah arü khimmih lu tüsho amüthribe khimmih ju akeokhikhi thakhukrü kilim jih. Junangde api khide bukakhiuk, tüsho abuh yam lim alode yü.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”

1 SAMUEL 18:6

Davidnü Goliath laksahbah alodarüshu arübo thüyam lim arüchoki, Israel kiutobo chingnü aliberübo khün thsüde tüsho tsünde kiulongthsüpuh Saul shorupü züpzüppü shuhbah, asühkhi khünbo thsüde tüsho khün khungbebo shuhbah arü.

1 SAMUEL 31:4

Judüki Saulnü api thsühnuk hanrü ki tha, “Nü nukshang dukkhitang tüsho I düchipang, junangde harü tsütamübahrünü arübah ninnin thsüde müdüchip.” Tüshe api thsühnuk hanbuhnü mümulongde alakheah; tümüde api treabah. Jumonü Saulnü anihbuh nukshang dukkhitbah ju kheak keam.

1 SAMUEL 6:17

Harübo ha Filistiarünü A TUN GPU H kilim amülimkhi kingaün dünkheak mühahlokhi suna mübo; Ashdod, Gaza, Ashkelon, Gath tüsho Ekron arü abande khülang khülang;