2 SAMUEL 1:2 - AMÜSÜH HÜM CL Bible (BSI)

² Nimung asampü ching mihtsürü khülang khim thorüpa tüsho aku kheak alo yihkihbah Saul binkheampung chingnü arü. Küyimki api David ki arükhea, apinü akin jihde alo kheak mükhüm.

2 SAMUEL 1:2 Iomraidhean Croise

THRÜNTAN 22:4

Mahsam nimungpü Abrahamnü abina kheah tüsho limshu chingnü ju dangpung ngü.

THRÜNTAN 37:29

Judüki Reubennü shingkung lim alode yü, tüshe Josep ju shingkung ching mülade alakheah; tüsho apinü akhimmihbo thorüp.

THRÜNTAN 37:34

Judüki Jakobnü api khimmihbo thorüpbah achim kheak shungliukhim yihkih, tüsho api tsührü thsungkheak nimung ahihdo tüzho.

THRÜNTAN 43:28

Tüsho arünü alo, “Nü yamlarü isa abuh phü tsüde lah; api kheakü khiungde lah.” Arünü arü kubo mükhüm tüsho akin jih.

2 SAMUEL 1:3

Davidnü api ki tha, “Nü küchingnü arükhea?” Apinü alo, “I Israel binkheampung chingnü tsokhide arükheah.”

2 SAMUEL 13:19

Tüshe Tamarnü aku kheak awah yihkih, tüsho anihbenü aphuyukhi khim ashang ju thorüp; alibenü akhah aku kheak yihkihbah achangnü tripde tsoabah.

2 SAMUEL 14:4

Küyimki Tekoa liberü kiulongthsüpuh ki arükhea, alibenü alo kheak khukning tüsho akin jihde tha, “Rungang, O kiulongthsüpuh!”

2 SAMUEL 15:32

Küyimki David awung mujuk kheak, Thrünpuh kingaünpung arükhea, Arkrü Hushainü apangkhümpü rukrüp tüsho aku kheak alo yihkihbah api shorupü arü.

2 SAMUEL 24:20

Küyimki Araunanü abinkhia kheahkhea, apinü kiulongthsüpuh tüsho api yamlarübo anihbuh kilim arüde ngü; tüsho Araunanü wukhiuk tüsho kiulongthsüpuh miki akin jihde alo kheak khukning.

2 SAMUEL 4:10

küyimki khürünü I ki, ‘ Kheahang, Saul sheabahdo’ de athakhea, apinü thiyusheak atsü lubah arürü she, inü api rambah Ziklag ching laksah–ha api yusheak thsungkheaknü inü api kilim thsambah jihkheah.

ESTER 4:16

“Yüang tüsho Susa ching Jihudarü alala bemukhungang; khümkeak thsüde I thsungkheak tamkhüntamnüang. Nimung mahsam tsüngre mahsam dütsühyung. I tüsho I yamlaberünü she ju ruk thsübah. Jushu yakzannü mümülülü she I kiulongthsüpuh miki yübah; ha dünkheak I ashepü kamkam she I ashebah.”

ESTER 5:1

Esternü khümkeak thsükhi asam nipü kiulongthsü shulünkhim yihbah, kiulongthsürü-yam alunglim, kiulongthsürü yam khiungshak mikhuh abinbah zhip. Kiulongthsüpuh ju alunglim kiulongthsübinkiu kheak azahlim abinbah bin.

MUNGSHIKHÜN 66:3

Thrünpuh ki thaang, “Nü rhimobo küdükhüh atrebe la! Nü wu tokhi hode nü riribonü nü ki mükhümbah.

EZEKIEL 27:30

tüsho nü kurungkheak tüzhochoh tüsho düsüknimde tripchoh. Arünü arü kubo kheak asungthulung kamkihchoh tüsho awahbo ching awuhchoh;

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

MATHI 12:40

Nimung mahsam tüsho tsüngre mahsam Jona thüngüh buk ching lakhi nangde, Mihtsürü Tsührü nimung mahsam tüsho tsüngre mahsam alo alunglim labah.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

JIHUSUA 7:6

Jihusua tüsho Israelrü limberübonü mulong tukthsüde arü khim rukrüp, tüsho arü ku kheak asungthulung yükihde alo ching awuh, tüsho arü mulong tukthsükhi huhde Atungpuh tangzüng sangdan ki alo ching awuhde arelim khiungde yap.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.

1 SAMUEL 20:41

Azübuh tsoabahshu, Davidnü lung-mutrung khüpnü asürü tüsho amiro alo lim mükhümbah Jonathan ki mahsam ki khukning. Anenü müthsüpachih, tüsho tripachih; Davidnü alübe trip.

1 SAMUEL 25:23

Küyimki Abigailnü David ngükhea, alibenü niokheamde yü tüsho donki kheaknü akibah amiro alo lim mükhümde David ki khukning.

1 SAMUEL 4:12

Benjamin mihtsürü khülang ju nimung akhimmihbo thorüpa tüsho aku kheak alo kihbah, keochihpung chingnü alihde Shilo ching arü.

1 SAMUEL 4:16

Mihtsürü junü Eli ki tha, “I kheakü keochihpung chingnü arükheah; I khihni keochihpung chingnü alihde atsokheah.” Apinü tha, “ Tümü thsüa la, I tsah-a?”