2 PETER 3:16 - AMÜSÜH HÜM CL Bible (BSI)

¹⁶ Apinü hadürü thade api yo kihüm alala ching rukhüh thrütchoh. Api kihümbo ching, mümükheahrü tüsho dükde mülakhi mihtsürünü arü nihbuh thsümünimpü püpü amüsühyu ki rhimokhi nangde, arükchihnü athanakkhi anikhitpü khürü a chakde lah.

2 PETER 3:16 Iomraidhean Croise

THRÜNTAN 49:4

Nü a düchi nangde lah, tüshe khide adungto mükam, tümüde nünü I hanniube lung müyam tüsho nü buh yapkiu wüntre müjih. @SPACE=

1 KIULONG THSÜRÜ 10:1

Küyimki Sheba kiulongthsübenü Solomon mungthukhi sokhea, (Atungpuh mung hode mungthukhi) akeokhikhibo amüküp lubah alibenü api rükakipü arü.

MUNGSHIKHÜN 56:5

Arünü nimung amuyung I yuripü yimchoh; arü lümkhi alala ju amütsü thsungkheak I azhihkhi lah.

ABEKHIT 23:2

Amütsü rhimopü nünü boto düyan; yungsho thiyumütsan jihchoki thiyuro bephülappü thsüde boto kilim dütsang.

ABEKHIT 23:6

“Nünü zhochihrü mahkhapkhi ching thiyuro dübephülapjih.

JEREMIA 23:36

Tüshe “Atungpuh müchityu” de arünü kheaküa dütha, tümüde müchityu ju mihbüm aban yubo lah, tüsho junangde nüsanü Wuto Atungpuh isa arhang Thrünpuh yu thamüchihchoh.

HABAKKUK 1:4

Jumonü yakzan niukniukabahdo tüsho thiyuro mürhimo. Mihbukmuyuknü thiyurolungkirü mükamdolah–jumonü thiyuro mahkhapkhi bephülapdo.

MATHI 15:3

Tüshe apinü arü ki tha, “Tümüde nüsanü she nüsa jipürü yakli thsungkheaknü Thrünpuh yukhüm thsümünimcho?

MATHI 15:6

abuh yungsho abe wüntrepü yihnüpü müla.’ Junangde nüsa jipü yakli dünkheaknü nüsanü Thrünpuh yu akeangkeang kamshihchoh.

MATHI 22:29

Jisunü arü ki alo, “Nüsanü amüsühyu yungsho Thrünpuh wu mümükheahde lakmihdo.

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

IBRI 5:11

Ha dünkheak isanü hihde athapü lah, tüshe nüsanü nahnah manikhitkhinü athanakpü chaklah.

JAKOB 1:8

api a lümtrüp lakhi mihtsürü, api rhimo alala ching achiaying müla.

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

2 PETER 2:14

Mükbo yüliyüranü mide, neak yihbeakpü mutuklo; reangmüzahkhi mihtsürübo arünü münityukchoh. Arü mulongbo mükhütmürapü thsükhita lah. Arübo muthrumünean khüp lah!

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.