2 PETER 3:14 - AMÜSÜH HÜM CL Bible (BSI)

¹⁴ Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

2 PETER 3:14 Iomraidhean Croise

MATHI 24:26

Jumonü arünü nüsa ki, ‘Kheahang, api loshelo ching lah!’ de thasho duwukhiuk; yungsho ‘Kheahang, api alungbe khiungshakbo ching lah!’ de thasho ju dükin.

MATHI 25:7

Judüki atsangkhit anünürü alala asürü tüsho arü tsünpung atünado.

LUKNÜ ATHRÜTKHI THIYUSHEAK-ATSÜ HUHTANYU 12:43

Api putungrü arüde alachoki rhimode ngükhi yamlarü asühpü.

LUKNÜ ATHRÜTKHI THIYUSHEAK-ATSÜ HUHTANYU 2:29

“Atungpuh, kheakü nü yu yande nü yamlarü mungtsü chingnü chamachihshang;

1 KORINT 1:8

apinü akheam khiungde nüsa kümbah, junangde isa Atungpuh Jisu Khrista nimung ching nüsa amülim mülade alabah.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

FILIPI 1:10

junangde tümü atsübeanü nüsanü mütsankhitbah tüsho tsangkhitde Khrista nimung khiungde areak mükihde,

FILIPI 2:15

junangde nüsa areak mükihde tüsho amülim mülade, ha akhürang tüsho bephülap lün ching Thrünpuh tsührübo thsüde, arü bolung alomiküp ching ayin nangde tahde,

FILIPI 3:20

Tüshe isa mihkhung jua yinmi ching lah, tüsho ju chingnü isanü akhümkhitrü, Atungpuh Jisu Khrista aleangchoh.

1 TESALONIKA 3:13

junangde isa Atungpuh Jisu lung api yo amüsührü alala arüchoki, isa Abuh Thrünpuh miki, amüsüh ching areak mülapü thsüde apinü nüsa mulong düküngshihbah.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

1 TIMOTHI 6:14

isa Atungpuh Jisu Khrista marüyi khiungde areak yungsho mungchih mülade ha yukhüm zopü inü nü ki tuthsukchoh;

IBRI 9:28

ahihkhüh neak hanpü Khrista khülangki jihkhi ju, neak phüpü yung tüshe mulong dukde api aleangrü khümkhitpü mahne kipü arübah.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

1 PETER 1:7

junangde Jisu Khrista amikheak akhiukchoki nüsa akin ju dükheakabahbe suna monü thsahakheahkhi kheaknü alü shoto mungshi, müretah tüsho wüntre ngübah.

2 PETER 3:1

Amuzho müyamrübo, kheakü ha nüsa kilim I yo kihüm mahnepü ah. Inü ane chido nüsa lümkhi kurhangpü lümkhitloshihde thrütdo;

2 PETER 3:16

Apinü hadürü thade api yo kihüm alala ching rukhüh thrütchoh. Api kihümbo ching, mümükheahrü tüsho dükde mülakhi mihtsürünü arü nihbuh thsümünimpü püpü amüsühyu ki rhimokhi nangde, arükchihnü athanakkhi anikhitpü khürü a chakde lah.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.