2 PETER 3:13 - AMÜSÜH HÜM CL Bible (BSI)

¹³ Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

2 PETER 3:13 Iomraidhean Croise

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 65:17

Tümüde inü yinmibo aso tüsho alomi aso thrünpü thsüchoh; akhuhlim dünjikhibo mülümkhit yungsho lüm ching marü.

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

ISAIA 66:22

Tümüde inü athsüpü lakhi yinmibo aso tüsho alomi aso I miki aninga labah, Atungpuhnü thachoh; junangde nü tsühsoniusobo tüsho nüsa mung aninga labah.

ROMRÜ KILIM PAULNÜ ATHRÜTKHI KIHÜM HUHTANYU 8:21

tümütüsho thrüna lakhi ju she athsümünim kuhi chingnü Thrünpuh tsührübo müretahkhi zuzu ching bekhitbah.

2 PETER 1:4

Harü hode apinü khide ato tüsho shoto alokhikhibo isa kilim jih, junangde isanü amüsüh yakli ching shihcham lubah tüsho amütsü künkhinü akhiukshihkhi alomi ching athsümünim chingnü isa tsokhibah.

AMIKHEAKAKHIUKKHI 21:1

Judüki inü yinmi aso tüsho alomi aso ngü; tümüde akhuhbe thüning tüsho akhuhbe alomi hode tsoabah, tüsho keto müladebah.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.