2 PETER 2:8 - AMÜSÜH HÜM CL Bible (BSI)

⁸ (tümüde thiyuro-lungki mihtsürü ju arü bolung lade arü yakzan mülakhi rhimobo ngükhi tüsho asokhinü nimung aban api thiyuro-lungki me thsünü)–

2 PETER 2:8 Iomraidhean Croise

THRÜNTAN 13:13

Tüshe Sodom mihtsürübo hodakde mihbukmuyuk tüsho Atungpuh azhihde neak yihbeaka lakheah.

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

MUNGSHIKHÜN 119:139

I mulong zhipzhipkhinü monü nangde I takchoh, tümütüsho I riribonü nü yubo mihabahdo.

MUNGSHIKHÜN 119:158

Inü mülapmüjirü mukhiukde kheahchoh, tümütüsho arünü nü yu muzo.

MÜCHITMUDU 25:26

Thiyuro-lungki mihtsürü shepünü mihbukmuyuk ki ayeachihchonü akhimniuhniuh kenü yungsho azhihzhihkhi kekhip nangde lah.

MÜCHITMUDU 28:12

Küyimki thiyuro-lungkirü asühachihbanü, ju ching müretahkhi ato lah; tüshe küyimki mihbukmuyuk asürübanü, mihtsürübonü jikabahchoh.

EZEKIEL 9:4

tüsho api ki tha, “Jirusalem hode yüang tüsho arünü athsükhi athraneanbe alala kurungkheak lungrirü tüsho tüzhorü kingkangbo kheak amütsan yihkihang.”

EZEKIEL 9:6

Ashinbuhrü mihtsürü, athrününgtsüng tüsho anünürü, azoberü tüsho azürü laksahang, tüshe amütsan kihrü sheshe düqiu. I arüngyam kinü tankihang.” Jumonü arünü arüngyam miki larü azothsürü kheaknü tankih.

1 TIMOTHI 1:9

junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

IBRI 11:4

Akin hode Abelnü Kain kheaknü atsübe laksah-a kingaünkhi Thrünpuh kilim jih, ju hode Thrünpuhnü api thsambah leangkhikhinü thiyumütsan thsüde thiyuro-lungki mülükhi ngü; api shedo, tüshe api akin hode kheakü khiungde asukchoh.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.