2 PETER 2:4 - AMÜSÜH HÜM CL Bible (BSI)

⁴ Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.

2 PETER 2:4 Iomraidhean Croise

JOB HU H T ANYU 21:30

junangde thsümütsü nimung mihbukmuyuk wocho de, tüsho bukakhiuk nimung khümkhitcho de?

JOB HU H T ANYU 4:18

Api yamlarübo kheak she apinü akin müla, tüsho api yunirübo kheak apinü amülim jihde thachoh;

MUNGSHIKHÜN 78:50

Apinü abukakhiukpü limro thsakham; apinü arü shepü chingnü maningshih tüshe arüm kilim arübo jih,

ISAIA 14:12

“ Nü küruk yinmi chingnü ayokhikhea, O Animung Chining, Yapsu tsührü! Nü küruk alo kheak kiushaka keamshihkhea, nü shepünü trükshihbo keamkhishihkhea!

EZEKIEL 5:11

Jumonü Wuto Atungpuhnü thachoh, I arhang lah, tümütüsho nünü athraneanbe kukrukbo alalanü I yo arüngyam müneanshihdo, inü I küdah thsüde amuzho lulobah; inü nü kheak muzhode mükheah yungsho nü maningshih.

EZEKIEL 7:4

Inü nü kheak mihmuzhode mükheah yungsho nü maningshih; inü tsükjide nü rhimorhiyi tüsho nüsa bolung nünü athraneanbe rhimokhi ayannü ajihlobah. Judüki I Atungpuh de nünü amükheahbah.

EZEKIEL 7:9

Inü nü kheak mihmuzhode mükheah yungsho nü maningshih; inü nü rhimorhiyi tüsho nüsa bolung athraneanbe rhimokhi ayannü ajihlobah; judüki adambuh ju I Atungpuh de nünü mükheahbah.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

MATHI 8:29

Anenü zhide tha, “Thrünpuh tsührü, nünü isa kheak tümü rhimonela? Akhukhi kim mukhiungyide isa thsümüchipü nü ha ching arükhea shi?”

MARK 5:7

Khide Achang Thrünpuh tsührü Jisu, inü nü ki tümü thsüba? I düthsümüchi de Thrünpuh mung tamde inü nü ki thachoh.

LUKNÜ ATHRÜTKHI THIYUSHEAK-ATSÜ HUHTANYU 10:18

Tüsho apinü arü ki tha, “Thüning chingnü Arimri chinchobe nangde akikhi inü ngüdo.

LUKNÜ ATHRÜTKHI THIYUSHEAK-ATSÜ HUHTANYU 8:31

Tüsho arübo thiyukhüm jih-a Abyss ching düyüzahshih de api ki mushu.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

ROMRÜ KILIM PAULNÜ ATHRÜTKHI KIHÜM HUHTANYU 11:21

Thrünpuhnü sangkhah tsütsü maningshihkhülaa, apinü nüsa aningshihbah de nüsanü lümcho de?

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

YUZÜNGTHALO 29:20

Atungpuhnü api neak mübahjih; tümüde Atungpuh bukakhiukkhi tüsho api mükthsükhi ju mihtsürü kheak alü trubah, tüsho ha hüm ching thrüta lakhi muthrumünean alala api kheak akihbah, tüsho Atungpuhnü api mung thüning khüpnü nankhita bahjihbah.

2 PETER 2:11

tüshe yunirübo sühmüh tüsho wu atobe lalashe, Atungpuh miki arü azhihde amütsü masukchoh.

2 PETER 2:5

Thrünpuhnü jipü lomi maningshih, tüshe amükinrü mihtsürü lomi kheak keking hande arü; apinü akhümkhitkhi ju thiyuro-lungki thsangyuthsangrabuh Noa, tüsho püpürü mihtsürü 7 lang alakheah;

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

JUDNÜ ATHRÜTKHI KIHÜM HUHTANYU 1:6

Tüsho yunirübonü arü lapung dükde mülade amüthrikhi mahkhap ato nimung khiungde akheam müla wuhrünliunü rhüka amiting ching zo;

AMIKHEAKAKHIUKKHI 20:10

tüsho arü mülapyukbuh amünean ju shiwüh le arükchih wukihrübo lapung modüjim ching jipyuk, tüsho arübo azhing ayin lünnü lün thsümüchibah.