2 PETER 2:21 - AMÜSÜH HÜM CL Bible (BSI)

²¹ Arünü mükheahbah arü kilim jihkhi amüsüh yukhüm chingnü atsolopü dün a thiyurolungki limro mümükheahkhülaa atsübe thsüpü lado.

2 PETER 2:21 Iomraidhean Croise

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 85:8

Atungpuh Thrünpuhnü tümü asukbanü inü anibah, tümüde apinü api mihtsürü tüsho amüsührü ki mungtsü asukbah; tüshe arü makhakhi lim dürholoshih.

MÜCHITMUDU 12:28

Thiyuro-lungki limro ching rhangdung lah, tüsho ha limtsahpung ching ashekhi müla.

MÜCHITMUDU 16:31

Ku buyiukkhi ju müretah kuthran ah; ha thiyuro-lungkirü rhangdungnü ngüchoh.

EZEKIEL 18:24

Tüshe mürangkhüh thiyurolungki mihtsürü khülangnü nihbuh thiyuro-lungki chingnü rholo tüsho neak yihbeaksho tüsho mihbukmuyuk mihtsürünü arhimokhi rukhüh athraneanbe rhimosho, api alaba de? Api thiyuro-lungki rhimokhi tümü she mülümkhit. Tümütüsho api thiyuro mülakhinü mülimde lah tüsho apinü neak yihbeakkhinü, api ashebah.

EZEKIEL 23:13

Tüsho alibe müneankhi inü ngü; ane chidonü limro rukhüh ching yü.

EZEKIEL 3:20

Kheaküshe, küyimki thiyuro mihtsürü nihbuh thiyuro-lungki chingnü rholoba tüsho amütsü rhimoba, tüsho inü api müngüh jing mükhe zojihbanü api ashebah. Tümütüsho nünü api ki düh de mütha, nihbuh neak dün api shebah. Api thiyuro-lungki rhimokhi rhimo mülümkhit tüsho api thiyih inü nü khah chingnü akheangbah.

EZEKIEL 33:13

Inü thiyuro-lungkirü ki tsükjide arü alabah de thatha she, arünü arü nihbuh thiyuro-lungki ching kinsho tüsho amülim yihbeaksho, arü thiyuro-lungki rhimo küpü she mülümkhit; tüshe arünü ayihbeakkhi amülim ching arübo shebah.

ZEPHANIA 1:6

sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

MATHI 21:32

Tümüde thiyuro-lungki limro ching Johan nüsa kilim arü, tüsho nüsanü api kheak akin müla, tüshe ruk-threrübo tüsho müzammüramrübonü api kheak akin la; tüsho nüsanü ha ngü dunglim she nüsa mulong mümüthri tüsho api kheak mükin.

LUKNÜ ATHRÜTKHI THIYUSHEAK-ATSÜ HUHTANYU 12:47

Tüsho yamlarü shepünü nihbuh putungrü lümkhi mükheahbah, müthsakhamkhea yungsho api lümkhi yande mürhimokheanü ahihdo ki rhapbah.

JOHAN 15:22

I arübah arü ki masukkhülaa, arünü neak müyihbeaka labah, tüshe kheakü arü neak thsungkheak arünü amudopü müla.

JOHAN 9:41

Jisunü arü ki tha, “Nüsa mük tukkhülaa neak müyihbeaka labah; tüshe kheakü nüsanü, ‘Isanü ngülah’ de thachoh, jumonü nüsa neakbo lah.”

ROMRÜ KILIM PAULNÜ ATHRÜTKHI KIHÜM HUHTANYU 7:12

Jumonü yakzan ju amüsüh tüsho thiyuzüng ju amüsüh, thiyuro ju atsü ah.

GALATIA 6:2

Khülangnü khülang hahmülang hanrungachihang, tüsho junangde Khrista yakzan dünjishang.

1 TESALONIKA 4:2

Tümüde Atungpuh Jisu hode isanü nüsa kilim thsangdankhi tümü jihkheanü nüsanü mükheahlah.

1 TIMOTHI 6:14

isa Atungpuh Jisu Khrista marüyi khiungde areak yungsho mungchih mülade ha yukhüm zopü inü nü ki tuthsukchoh;

IBRI 10:26

Thiyuro mükheahmudu leangkhi dunglim isanü khekhungde neak yihbeakde lasho neak dünkheak shuhmülanga jihpü aninga müla,

JAKOB 4:17

Shepünü alim rhimopü mükheahbah ju rhimopü lakphahchonü, api thsungkheak ju neak ah.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

JUDNÜ ATHRÜTKHI KIHÜM HUHTANYU 1:3

Amuzho müyamrübo, isa rukhüh akhümkhit dünkheak nüsa kilim thrütpü khide mulungkhinü, khülangkinü lang amüsührü kilim jihkhi akin dünkheak shochihpü tuthsukde nüsa kilim thrütpü yihnüpü lakheah.