2 PETER 2:12 - AMÜSÜH HÜM CL Bible (BSI)

¹² Tüshe harü mihtsürünü arünü manikhitkhibo ching mükhemükimchoh. Arübo bukmüke shiwühbo yakli nangde, aphuhpü tüsho asheshihpü lang zübea lah, tüsho shiwühbo nangde arü she adükheakbah.

2 PETER 2:12 Iomraidhean Croise

MUNGSHIKHÜN 49:10

Tümüde lümlung larü mihtsürü shekhi apinü ngüchoh; junangde makharü tüsho lümduhrü mihtsürü dükheakchoh, tüsho arü lakhit püpürü kilim zojihchoh.

MUNGSHIKHÜN 92:6

Lümzülümdo mülakhi mihtsürünü mümükheah, yungsho makharünü ha manikhit.

MUNGSHIKHÜN 94:8

Anikhitang, nüsa mihtsürü bolung lümzülümdo mülarübo; tüsho nüsa mahkhaprübo, küyimki nüsa lümlung laba?

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

JEREMIA 10:21

Tümüde namfimihnu neakrübo makhalah tüsho Atungpuh müyim; jumonü arü mümüngüh tüsho arü mihnu alala hiumüzüta lah.

JEREMIA 10:8

Arü chido keakeashahshah-a tüsho makhaa lah; mümokhi sangthsübo kheaknü arünü tümü anikhitpü?

JEREMIA 12:3

O Atungpuh , tüshe nünü I mükheahlah; nünü I ngülah tüsho I rükakia kheahchoh, I lümkhi nü kilim lah. Namfimihnu nangde alaksahpü arübo züngkhitang, tüsho alaksahpü nimung thsungkheaknü bemuwuhang.

JEREMIA 4:22

“Tümüde I mihtsürübo makhaa lah, arünü I mümükheah; arü azhazha tsührübo ah, arü anikhitkhi müla. Amütsü rhimopü ching arü yuklah, tüshe atsü rhimopü mümükheah.”

JEREMIA 5:4

Judüki inü tha, “Harü lang zhochihrü ah, arübo lümduhlah; tümüde arünü Atungpuh limro, arü Thrünpuh yakzan mümükheah.

EZEKIEL 21:31

Inü I mulong zhipzhip nüsa kheak dungkihbah tüsho nüsa azhihde I bukakhiukkhi mo mütkihbah; inü nüsa bukmüke mihtsürü, athsümünimpü ching athsükhit mihtsürü khah ching jihbah.

MARK 7:22

ahühpü, yihnelune, mihbukmuyuk, akeangyu, yakli-amütsü, mükjomükra, lülüshishi, makhakhi akhiukshihchoh.

JOHAN 8:21

Judüki Jisunü arü ki thalo, “I tsochoh, tüsho nüsanü I yimbah, tüsho nüsa neak ching nüsa shebah. I küching yübanü nüsanü marükhuk.”

GALATIA 6:8

Tümüde shepünü nihbuh shih ching hiuchonü shih chingnü athsümünim yimlubah; tüshe shepünü Me ching hiuchonü Me chingnü lün rhangdung yimlubah.

KOLOSI 2:22

Rhimode harü alala dükheakpü thsülah, tümütüsho jurübo mihtsürü yukhüm tüsho thsangyukhibo kheak ningkihlah.

2 PETER 1:4

Harü hode apinü khide ato tüsho shoto alokhikhibo isa kilim jih, junangde isanü amüsüh yakli ching shihcham lubah tüsho amütsü künkhinü akhiukshihkhi alomi ching athsümünim chingnü isa tsokhibah.

2 PETER 2:19

Arünü arü ki zuzu thiyuchihchimchoh tüshe arü a athsümünim yo azhorü ah; tümüde tümüpürünü mihtsürü ju kukchonü, api ju yo azhorü ah.

JUDNÜ ATHRÜTKHI KIHÜM HUHTANYU 1:10

Tütüshe harü mihtsürübonü arünü manikhitkhi azhihde asukchoh; tüsho shiwüh lüm nangde arünü amükheahkhinü arü thsümünimchoh.