2 PETER 2:10 - AMÜSÜH HÜM CL Bible (BSI)

¹⁰ adungto thsüde amüneankhi shihkünkhi ching tsahrü tüsho Thrünpuh thiyukhümsühmüh bahyukrü lah. Arübo mulong tolah tüsho müzhaklah; arünü müretahkhibo azhihde amütsü asukpü mütre,

2 PETER 2:10 Iomraidhean Croise

THRÜNTAN 49:6

O I me, arü aramyu asukachihkhi ching düyüzah; O I me, arü bolung dübe; tümüde arü bukakhiukkhi ching arünü mihtsürü laksahchoh; tüsho arü künkhi ching moshipungbo jing lipshakchoh.

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

MUNGSHIKHÜN 12:4

arünü tha, “Isa mulonü isanü akukbah, isa münküp isa lung lah; isa putungrü she a?”

ABEKHIT 22:28

“Nünü Thrünpuh düluhmüne, yungsho nüsa mihtsürü yakzanshuhrü dathru.

T H S AN GYU T H S AN GR ARÜ 10:20

Nü lüm chingnü lang she kiulongthsürü dathru, yungsho nü yappung khiungshak chingnü she alarü dathru; tümüde wuhnu khülangnü nünü athakhi yusheak hande yünü arü ki thapü kuklah.

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

WÜHKHE 15:30

Tüshe mihtsürü shepünü mede neak yihbeakbanü, nihbuh lo ching züberü yungsho khiungkerü thsüthsü, shepü Atungpuh miki amülim handarübanü, api nihbuh mihtsürü bolungnü khekhita bahbah.

LUKNÜ ATHRÜTKHI THIYUSHEAK-ATSÜ HUHTANYU 11:25

Tüsho küyimki api arübanü, ju phüta tüsho tsanglunga ngüchoh.

LUKNÜ ATHRÜTKHI THIYUSHEAK-ATSÜ HUHTANYU 19:14

Tüshe api mihtsürübonü anihbuh thranean, tüsho yunithsürü khülang api dunglim yüshihde tha, ‘Isanü ha mihtsürü isa kurungkheak kiulong müthsüshih.’

YUNIRÜBO RHIMO 23:5

Tüsho Paulnü tha, “Keoniorübo, api achangbe amükeamrü ah de inü mükheah-a müla; tümüde ha thrüta lah, ‘Nünü nüsa mihtsürü yakzanshuhrü dünkheak amütsü dasuk.’ ”

ROMRÜ KILIM PAULNÜ ATHRÜTKHI KIHÜM HUHTANYU 8:1

Jumonü kheaküa Jisu Khrista ching larü thsungkheak abahyukkhi müla.

1 KORINT 6:9

Thiyuro-lungki mülarünü Thrünpuh kiulongthsü yamrüplurüp mulu de nüsanü mümükheah de? Dümülapyukshih; müzammüram, sangthsü kingaün, yüliyüra yungsho amakham müzammüram,

2 KORINT 10:3

Tümüde isa alomi ching lah tüshe alominü arhimokhi nangde isanü thirithsü mülachoh.

EFISIA 4:19

achihayak alala dükheakabahbah mutukzhakde alü amümüsüh rhimopü arünü amütsübe kamabah.

EFISIA 5:5

Müzammüram, amümüsüh mihtsürü, yihnelunerü (sangthsü kingaünrü) sheshe Khrista tüsho Thrünpuh kiulongthsü ching yamrüplurüp müla de mütsanang.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

2 TIMOTHI 3:2

Tümüde mihtsürübo ju nihbuh muzhorü, sho muzhorü, akükheang, bukakhiuk, lülüshishi, bebuhrü ki mihyumanikhi, makshemüjihkhi, mümüsühkhi,

TITA 1:7

Tümüde borü limberü ju Thrünpuh rhimo atoathüprü a le, areak mükihde alabeah; api ju bukmüke yungsho asungsung yungsho amüshangrü yungsho athsümünim yungsho alü thsüpü bukmükhüt mülabeah,

IBRI 13:4

Alalanü yamkhün thsükhi wüntre labeah, tüsho yamkhün thsükhi yappung amümüsüh dükamshih; tümüde Thrünpuhnü yüliyüra tüsho müzammüram mahkhapbah.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

JUDNÜ ATHRÜTKHI KIHÜM HUHTANYU 1:10

Tütüshe harü mihtsürübonü arünü manikhitkhi azhihde asukchoh; tüsho shiwüh lüm nangde arünü amükheahkhinü arü thsümünimchoh.

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.

JUDNÜ ATHRÜTKHI KIHÜM HUHTANYU 1:18

arünü nüsa ki tha, “Akheam kim ching arü nihbuh mükinkhi shihkünkhi yande luhmünerübo labah.”

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

1 SAMUEL 10:27

Tüshe amüthülünkhi mihtsürü khürünü tha, “ Ha buh mihtsürünü küde thsah isa khümkhitkhukpü?” Arünü api mükhemükim thsü tüsho api kilim thsambah lubah marüjih. Tüshe apinü amüsomürang thsüabah.