2 PETER 2:1 - AMÜSÜH HÜM CL Bible (BSI)

¹ Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

2 PETER 2:1 Iomraidhean Croise

1 KIULONG THSÜRÜ 22:6

Judüki Israel kiulongthsüpuhnü wukihrübo 400 bande bemukhung, tüsho arü ki tha, “Inü Ramoth-gilead bede keochihpü yüba shi, dashi I müyüba?” Arünü tha, “Wutuang; tümüde Atungpuhnü ju kiulongthsüpuh khah ching jihbah.”

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 29:21

Wuto Atungpuh , Israel Thrünpuhnü I mung chingnü nüsa ki akeangyu müchitrü, Kolaia tsührü Ahab tüsho Maaseia tsührü Zedekia dünkheak ha thachoh: Inü arübo Babilon kiulongthsüpuh Nebukednezar khah ching jihpü thsüchoh, tüsho apinü arübo nüsa mük kinü alaksahbah.

JEREMIA 37:19

Nü yo wukihrübo küching la, sherünü nü ki müchitde, ‘ Nü tüsho ha lomi azhihde Babilon kiulongthsüpuh marü’ de athakhea?

JEREMIA 6:13

Tümüde anikhühnü atobe khiungde, thiyuro mülakhi alü thsüpü bukmükhütlah; tüsho wukihrünü amükeamrü khiungde, alalanü mülimde rhimochoh.

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

HOSEA 9:8

Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MIKA 3:5

Atungpuhnü I mihtsürü bephülaprü wukihrübo dünkheak ha thachoh, sherünü tümükhüh atsühpü lachoki “Mungtsü” zhicho, tüshe sherünü arü mün ching tümü muyukjihnü arü azhihde thirithsü thakhitjihchoh.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 10:33

Tüshe shepünü mihtsürübo miki I bahyukbanü, yinmi ching labuh I Buh miki inü api bahyukbah.

MATHI 24:11

Arükchih wukihrü ahihkhüh akhiukbah tüsho ahihkhüh mülapyukbah.

MATHI 24:24

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she bede mülapyukpü amütsan atobe tüsho amüyinsahbebo rhimobah.

MATHI 24:5

Tümüde ahihkhühnü I mung chingnü, ‘I Khrista’ de thade arübah tüsho ahihkhüh mülapyukbah.

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

MARK 13:22

Tümütüsho arükchih Khristabo tüsho arükchih wukihrübo akhiukbah tüsho kuksho amokhitrü she mülapyukpü amütsanbo tüsho amüyinsahbebo huhbah.

LUKNÜ ATHRÜTKHI THIYUSHEAK-ATSÜ HUHTANYU 12:9

Tüshe shepünü mihtsürübo miki I bahyukbanü Thrünpuh yunirübo miki bahyukbah.

LUKNÜ ATHRÜTKHI THIYUSHEAK-ATSÜ HUHTANYU 21:8

Tüsho apinü tha: “Nüsa mümülapyukpü kümkangang. Tümüde ahihkhüh I mung chingnü thade arübah, ‘I api ah,’ tüsho, ‘Kim thünindo.’ Jumonü arü dunglim düyü.

LUKNÜ ATHRÜTKHI THIYUSHEAK-ATSÜ HUHTANYU 6:26

“Mihtsürü alalanü nüsa tsakamkhi dünkheak asukchoki nüsa are, tümüde arü bebuhrünü arükchih wukihrübo ki jude athsükheah.

ROMRÜ KILIM PAULNÜ ATHRÜTKHI KIHÜM HUHTANYU 16:18

Tümüde hadürü mihtsürübonü isa Atungpuh Khrista mütankihchoh, tüshe arü buk thsungkheak ah, tüsho arü yu atsü tüsho atsankhinü amülim mülarü mihtsürü mulongbo thsungyukchoh.

1 KORINT 11:19

Tümüde nüsa bolung achamnakbo labah, junangde alim larübo mütsanbah.

1 KORINT 6:20

nüsa ju amo jihbah athulokheah. Jumonü nüsa pang ching Thrünpuh müretahshang.

1 KORINT 7:23

Nü ju amo jihbah athulokheah; mihtsürü yo azhorü dükam.

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

GALATIA 3:13

Isa thsungkheaknü muthrumünean kamde yakzan muthrumünean chingnü Khristanü isa rhokhit, tümüde ha thrüta lah: “Shepü sangdung kheak zhinbanü muthrumünean.”

GALATIA 4:17

Mihtsürübonü nüsa kheak khide tsülah, tüshe atsü thsungkheak yung; arünü nüsa bekhibah arü kheak tsüshihnelah.

GALATIA 5:20

sangthsü kingaün, wurük, mükihachihkhi, rukachih, mükthsü, bukakhiuk, yihnelune, achamnakbo,

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

EFISIA 4:14

junangde kheaküa isa thsunga yüla arüla de tüsho kingaün-yakzan apungnü yünde, arü rük amütsü ching azürü nangde müla.

YUZÜNGTHALO 32:6

Nüsanü Atungpuh kheak hade rhimocho de, nüsa abünrü tüsho azhazha mihtsürü? Api ju nü thrünrü nü buh yung de, shepünü nü thrün tüsho trük kamshih?

FILIPI 3:19

Arü akheam ju athsümünim, arü thrünpuh ju buk, tüsho arü müretah ju arü achihbe, alomi kukrukbo kheak lümkhi zolah.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

1 TIMOTHI 5:8

Khürünü nihbuh buhtsührü khung mükümsho, apinü akin thsunglochoh tüsho amükinrü kheaknü amütsübe ah.

2 TIMOTHI 4:3

Thiyuro thsangyukhi mihtsürübonü marümkheampü kim arüchoh, tüshe nükhünbo rangrangde arü nihbuh künkhi ayede thsangyurübo bemukhungbah,

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

TITA 3:10

Achamnak akhiukshih mihtsürü ki mahne ki düh de thaang, tüshe jushu a api kheak tümü düthsü.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.

1 JOHAN 2:26

Sherünü nüsa mülapyukpü lanü ju dünkheak inü nüsa ki thrütchoh;

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

JUDNÜ ATHRÜTKHI KIHÜM HUHTANYU 1:18

arünü nüsa ki tha, “Akheam kim ching arü nihbuh mükinkhi shihkünkhi yande luhmünerübo labah.”

JUDNÜ ATHRÜTKHI KIHÜM HUHTANYU 1:4

Tümüde adüso ha abahyukkhi ching mütsana lakhi, amükinrü, Thrünpuh amüthsüm makhamaleak kamshihrü tüsho Atungpuh Thrünpuh tüsho Atungpuh Jisu Khrista reanglorü mihtsürü khürü mümükheahshihde azah-a lah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 3:8

“‘Inü nü rhimobo mükheahlah. Kheahang, shenü she mürihkhukpü thsüde inü nü miki ripit khimshuhkhi zolah; nü sühmüh ninilah de inü mükheahlah, tütüshe nünü I yu zodo tüsho I mung müreanglo.

AMIKHEAKAKHIUKKHI 5:9

tüsho arünü khün aso thsüde tha, “Küpqiu lupü tüsho ju yümdokhibo khimshuhpü nü athülün ah, tümüde nü laksahdo tüsho nü thiyih hode trük, thiyutha, mihtsürü tüsho trükshih aban chingnü Thrünpuh thsungkheak nünü mihtsürübo rhokhit,

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”