2 PETER 1:6 - AMÜSÜH HÜM CL Bible (BSI)

⁶ tüsho mükheahmudu ching zangrü-danyukkhi, zangrü-danyukkhi ching arümkheamkhi, arümkheamkhi ching akinkhi,

2 PETER 1:6 Iomraidhean Croise

THRÜNTAN 5:24

Enoknü Thrünpuh lung tsah; jushu api müladebah, tümütüsho Thrünpuhnü api bea lu.

MUNGSHIKHÜN 37:7

Atungpuh miki zhikde laang tüsho arümkheamde api aleangang; mihtsürübonü arü mihbukmuyuk lümkhi asahde arü limrobo ching akuk ngüchoki mulong düsansan.

ISAIA 57:1

Thiyuro-lungkirü dükheakchoh, tüsho shenü mulong ching muzo; shenü manikhitchoki shuhmülanga jihrü bede tsochoh. Tümüde thiyuro-lungkirü ju thsümütsü chingnü bede tsochoh,

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

YUNIRÜBO RHIMO 24:25

Tüsho apinü thiyuro le zangrü danyukkhi tüsho arübe mahkhap atsangachihchoki Felix trede kam tüsho tha, “Kheakü thsungkheak tsoang; küyimki I kim labanü inü nü jibah.”

ROMRÜ KILIM PAULNÜ ATHRÜTKHI KIHÜM HUHTANYU 15:4

Tümüpürü adüso nimungbo ching thrütkheanü, isa thsangyupü thsungkheak lakheah, junangde amüsühyu düküngkhi tüsho tuthsukkhinü isa mulonglam labah.

ROMRÜ KILIM PAULNÜ ATHRÜTKHI KIHÜM HUHTANYU 2:7

Atsü rhimode, müretah, wüntre, tüsho amüshebe rhangdung yimrü kilim apinü lün rhangdung jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:25

Tüshe amüngükhi thsungkheak isanü mulonglamsho ju thsungkheak isanü arümde aleangchoh.

1 KORINT 9:25

Jukthülahrü abannü zangrü danyukkhi chingnü ahorichoh. Arü ju adükheakbe kuthran ngüpü rhimochoh, tüshe isa a müdükheakbe lah.

2 KORINT 6:4

tüshe Thrünpuh tankihrü thsükhinü limro aban ching isa küdahnü tsülah de lümchoh: arümkheam ato hode, thsünü ching, küpkhukbo, thsümütsübo,

GALATIA 5:23

azhihayih, nihbuh danyukkhi; hadürü azhihdüa yakzan müla.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,

1 TESALONIKA 1:3

nüsa akin tüsho amuzho rhimo tüsho isa Atungpuh Jisu Khrista ching düküngde mulonglamkhi isa Thrünpuh tüsho Abuh miki lümkhitchoh.

2 TESALONIKA 1:4

Jumonü nüsanü arümde alakhi thsümüchibo tüsho küpkhukbo alala ching nüsa akin düküngkhi thsungkheak isanü Thrünpuh borübo ching nüsa dünkheaknü kükheangchoh.

2 TESALONIKA 3:5

Thrünpuh amuzho tüsho Khrista kheak düküngpü Atungpuhnü nüsa mulongbo khuhlanga huhshang.

1 TIMOTHI 2:10

tüshe atsü rhimode, akinrü liberü kiphahde alabeah.

1 TIMOTHI 2:2

isanü akinrü thsüde, tüsho wüntre lakhi alala ching akhimahe tüsho mungtsü rhangdung lapü thsüde kiulongthsürübo tüsho thiyukhümsühmüh larü thsungkheak mushujihbeah.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

1 TIMOTHI 6:11

Tüshe nü Thrünpuh mihtsürü, ha alala bahkhiang; thiyuro-lungki, akinrü thsüpü, akin, amuzho, arümkheam, azhihayih kheak kheahkihang.

1 TIMOTHI 6:3

Khürünü arükchih kingaünyakzan thsangyukhi tüsho Atungpuh Jisu Khrista thiyuro yubo tüsho akin thsangyukhi kheak mayesho,

1 TIMOTHI 6:6

suhdahlah de lümsho akinkhi ching alü ato lah;

2 TIMOTHI 3:5

kingaün yakli shuhbah tüshe ju wu reanglokhi labah. Hadürü mihtsürü bahkhiang.

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

TITA 1:8

tüshe hanrü-mürührü, atsü muzhorü, nihbuh banthsangkhi, alungki, amüsüh, tüsho nihbuh danyukrü labeah;

TITA 2:2

Azobuhrü mihtsürü ki arümkheampü, mulong jihpü, kurhangpü, tüsho akin ching, amuzho ching, tüsho rünkhiungpü ching düküngpü thsangyuang.

IBRI 10:36

Tümüde nüsanü arümkheampü yihnüpü lah, junangde nüsanü Thrünpuh lümkhi rhimobah tüsho alokhia lakhi leangkhibah.

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

IBRI 6:12

junangde nüsa sühdukde mükam, tüshe akin tüsho arümkheam hode alokhikhi yamrüplurüp lurü kheahkhirü thsübah.

IBRI 6:15

Hanangde arümde aleang dunglim alokhikhi ju Abrahamnü leangkhi.

2 PETER 1:3

Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

2 PETER 3:11

Tümütüsho lüpdükhi hanangde athsümünimpü lale, nüsa küdürü mihtsürü labea? Nüsanü müsühde tüsho kinde,

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.

AMIKHEAKAKHIUKKHI 13:10

Khürü ramde atsopü lasho, api aramkhi ching yübah; khürü nukshangnü alaksahpü lasho, nukshangnü api laksahbah. Ha amüsührü arümkheam tüsho thiyuro lapü thsungkheak jichoh.

AMIKHEAKAKHIUKKHI 14:12

Ha Thrünpuh yuzüngbo tüsho Jisu akin zorü amüsührü arümkheam thsungkheak jikhi lah.

AMIKHEAKAKHIUKKHI 2:2

“‘Inü nü rhimobo, nü khuksahkhi, nü arümkheamkhi, tüsho nünü amütsü mihtsürü ki marümkhukkhi tüsho arü küdahnü amüsüh-thsangyurü de ajirü rükakheahkhi mükheahlah, tüshe arübo a yung, tüsho arü arükchih ngükhitdo.