2 PETER 1:5 - AMÜSÜH HÜM CL Bible (BSI)

⁵ Ha dünkheaknü nüsanü akin ching atsü yukajakpü mürangang; tüsho atsü ching mükheahmudu;

2 PETER 1:5 Iomraidhean Croise

MUNGSHIKHÜN 119:4

Nünü nü yakzan thiyuronü azoshihpü isa ki thiyukhüm jih.

MÜCHITMUDU 4:23

Nü lümzülümdokhi kümkangang; tümütüsho ju kenü ah.

ISAIA 55:2

Tümüde nünü yikhap yungde püpü thsungkheak sho bahcho, tüsho reangmükeampü thsungkheak nünü rhimocho? Kümkangde I ki aniang, tüsho tümü atsüanü tsühang, tüsho birikhi tsühyungpü ching nü me asühang.

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

LUKNÜ ATHRÜTKHI THIYUSHEAK-ATSÜ HUHTANYU 16:26

Tüsho ha alala kheak khiode, isa le nüsa dükeak asük ato lah, junangde ha chingnü nüsa kilim hode ayüpü künrünü mukuk yungsho ju chingnü isa kilim marükhuk.’

LUKNÜ ATHRÜTKHI THIYUSHEAK-ATSÜ HUHTANYU 24:21

Tüshe Israel rhokhitpü lakhi ju api ah de isanü mulonglamde alakheah. Tüsho kheaküshe ha alala dünjibah khihni mahsam nipü thsüchoh.

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

1 KORINT 14:20

Keoniorübo, nüsa lümzülümdo ching azürü düthsü, amütsü ching khungarü thsang, tüshe lümzülümdo ching azorü kamang.

EFISIA 5:17

Jumonü dümakha, tüshe Atungpuh lümkhi tümüanü anikhitang.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

FILIPI 2:12

Jumonü amuzho müyamrübo, nüsanü kamruhroro mihyuanikhi nangde kheaküshe I lachoki lang yung tüshe alü thsüde I mülachoki trede tüsho ajande nüsa akhümkhit rhimokhitang;

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

KOLOSI 1:9

Jumonü isanü ju sokhi nimungnü, me lümlung tüsho anikhitkhi alala ching api lümkhi mükheahmudunü nüsa mide akampü keokhide nüsa thsungkheak tamkhüntamnüpü isanü anüzhak müthsü,

KOLOSI 2:3

Api kheak lümlung tüsho mükheahmudu rahpung alala rama lah.

IBRI 11:6

Tüsho akin mübedüa Thrünpuh asühshihpü mukuk. Tümütüsho shepünü Thrünpuh thüninde yüchonü api lah tüsho api yimrü thsambahbo jihchoh de akin labeah.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

JIHUSUA 7:3

Arünü Jihusua kilim arülopü thiyukhüm ha ruk jih: “ Ai yanpü thsungkheaknü mihtsürü alala yihnüpü müla. Mihtsürü 2000 yungsho 3000 lang yüshang. Ju kiuto adümkhüh ah, mihtsürü athrünkhi ju ching dükhishih.”

1 PETER 3:7

Niubuhrübo, junangde nüsa niuberü lung anikhitkhinü laang, tüsho reangmüzahkhi nüsa atrurü tüsho nüsa lung shoto rhangdung thsambah yamrüplurüp lurü nangde arü ki akin jiang, junangde nüsa tamkhüntamnü tümünü she müzhipdo.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

2 PETER 1:11

Junangde isa Atungpuh tüsho akhümkhitrü Jisu Khrista kiulongthsü ching yüzahpü nüsa thsungkheak suhdahde ajihbah.

2 PETER 3:14

Jumonü amuzho müyamrübo, tümütüsho nüsanü ha kheahde lale, areak mükihde, amudopü mülade tüsho mungtsü lade apinü angüshihpü mürangang.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.