2 PETER 1:4 - AMÜSÜH HÜM CL Bible (BSI)

⁴ Harü hode apinü khide ato tüsho shoto alokhikhibo isa kilim jih, junangde isanü amüsüh yakli ching shihcham lubah tüsho amütsü künkhinü akhiukshihkhi alomi ching athsümünim chingnü isa tsokhibah.

2 PETER 1:4 Iomraidhean Croise

ROMRÜ KILIM PAULNÜ ATHRÜTKHI KIHÜM HUHTANYU 9:4

Arü ju tsührü kamkhi müretah, tangzüng, yakzan jihkhi, kingaün, tüsho alokhikhi lakhi ah;

2 KORINT 1:20

Tümüde Thrünpuhnü alokhikhi alala api kheak “Am” ngüchoh. Jumonü isanü api hode Thrünpuh müretahpü lim “Amen” de thachoh.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 6:17

Jumonü arü kheaknü akhiukang, tüsho arü kheaknü chamkhiang, Atungpuhnü thachoh, tüsho amümüsüh tümü düqiu; tüsho inü nüsa leangkhibah,

GALATIA 3:16

Kheakü Abraham ki alokhikhibo thsü. Ahihkhüh ki thade, “Tüsho nü müjihbo,” de mütha; tüshe khülang ki, “Tüsho nü müjih,” de Khrista ki thalah.

GALATIA 6:8

Tümüde shepünü nihbuh shih ching hiuchonü shih chingnü athsümünim yimlubah; tüshe shepünü Me ching hiuchonü Me chingnü lün rhangdung yimlubah.

EFISIA 4:13

isa alala akin arihako tüsho Thrünpuh tsührü mükheahkhi mukhiungyi khiungde, tüsho Khrista trungdung akekhitkhi ching mihzo mükamyi khiungde;

KOLOSI 3:10

tüsho athrünrü mejak yande mükheahmudu ching aso kamlokhi yakli aso yihbah.

IBRI 12:10

Tümüde arünü kim akhihkhüh thsungkheak arü künkhinü isa danchoh, tüshe isanü api amüsüh ching shihcham lupü thsüde apinü atsü thsungkheak isa danchoh.

IBRI 9:15

Jumonü api ju aso tangzüng limburü ah, junangde sherü jia lanü alokhikhi lün yamrüplurüp leangkhibah, tümütüsho akhuhbe tangzüng bukkhüp thsümünimkhi chingnü arü rhokhitpü ashekhi dünji.

JAKOB 1:27

Thrünpuh tüsho Abuh miki atsangkhitkhi tüsho mümüneankhi kingaün ju ha: arü thsümütsü ching mürerü tüsho khimoberübo rhua kheahpü, tüsho alominü athsümünimkhi chingnü nihbuh mükihkhipü lah.

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

2 PETER 3:13

Tüshe apinü alokhikhi zode isanü yinmi aso tüsho alomi aso, thiyurolungkirü lapung kheahchoh.

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.

1 JOHAN 2:25

Tüsho ha lün rhangdung apinü isa ki alokhikhi lah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.