2 PETER 1:3 - AMÜSÜH HÜM CL Bible (BSI)

³ Api müretah tüsho atsünü isa jibuh isanü mükheahkhi hode isa rhangdung thsungkheak yihnüpü lakhi tüsho kinde alapü api amüsüh wunü lüpdükhi isa kilim jih.

2 PETER 1:3 Iomraidhean Croise

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 12:4

Yamkhünberü atsü ju ayamkhünbuh kuthran ah, tüshe mungchih lakhi yamkhünberü a api robo ching ashuhkhi ruk ah.

MÜCHITMUDU 31:10

Athülünkhi yamkhünberü shenü angükhukba? Alibe thülünkhi ju mürezhingzhing kheaknü alü ah.

MÜCHITMUDU 31:29

“Aliberü ahihdonü tsüde rhimodo, tüshe nünü arü kiholah.”

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

ROMRÜ KILIM PAULNÜ ATHRÜTKHI KIHÜM HUHTANYU 9:24

Tümüde isa ju Jihudarü chingnü lang yungde khiungkerü chingnü she apinü ajikhi mihtsürübo ah.

1 KORINT 1:9

Api tsührü isa Atungpuh Jisu Khrista arihako ching nüsa jikhi Thrünpuh ju thiyuro ah.

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

EFISIA 4:1

Jumonü I Atungpuh thsungkheaknü aramrünü nüsa küpü ching jia lanü ju thülünde rhangdung lapü nüsa ki tuthsukchoh,

EFISIA 4:4

Nüsa mulonglam khülang ching jia lakhi nangde pang khülang tüsho Me khülang,

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

1 TESALONIKA 2:12

Isanü nüsa ki api kiulongthsü tüsho müretahkhi ching nüsa jibuh Thrünpuh ki thülünde rhangdung lapü mulong toshihdo, mulong shukheamdo, tüsho tuthsukde lado.

1 TESALONIKA 4:7

Tümüde Thrünpuhnü mümüsühde alapü yungde amüsüh ching lapü isa jikheah.

2 TESALONIKA 2:14

Nüsanü isa Atungpuh Jisu Khrista müretahkhi ngüpü thsüde isanü thsangyuthsangrakhi thiyusheak-atsü hode nüsa ha ching jikheah.

1 TIMOTHI 4:8

pangnü mürangkhi ju alü khürü lah, tüshe akinnü mürangkhi ju limro alala ching lah, tümütüsho junü kheakü lakhi rhangdung tüsho arüpü lakhi rhangdung alokhikhibo ramlochoh.

2 TIMOTHI 1:9

shepünü isa khümkhit, tüsho amüsüh jikhi ching isa jikhea, isa rhimobo dünkheaknü yung, tüshe api lümkhi tüsho adüso kambo ching Jisu Khrista hode apinü isa kilim jihkhi amüthsüm dünkheaknü,

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

1 PETER 1:15

tüshe nüsa jibuh amüsüh a le, nüsa rhimo alala ching amüsüh laang;

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

1 PETER 2:21

Tümüde nüsa ha ching jikheah, tümütüsho nüsanü api jingshu ching yanpü amütsan zojihde Khrista she nüsa dünkheaknü thsünü.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 1:10

Jumonü keoniorübo, nü jikhi tüsho mokhitkhi mütsanpü alü künang, tümüde nünü ha rhimosho küyimkishe nü mülakphah.

2 PETER 1:2

Thrünpuh tüsho isa Atungpuh Jisu mükheahmudu ching nüsa kilim amüthsüm tüsho mungtsü alü kamshang.

2 PETER 1:5

Ha dünkheaknü nüsanü akin ching atsü yukajakpü mürangang; tüsho atsü ching mükheahmudu;

2 PETER 1:6

tüsho mükheahmudu ching zangrü-danyukkhi, zangrü-danyukkhi ching arümkheamkhi, arümkheamkhi ching akinkhi,

2 PETER 1:8

Tümüde nü harübo suhdahde lasho, arünü nü tümü makükhi tüsho isa Atungpuh Jisu mükheahmudu aso masokhi mülashih.

2 PETER 2:20

Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

RUTH 3:11

Ruth, mulong düsansan, nünü amulongkhi nangde inü alala rhimobah, tümüde kiuto ching larü alalanü nü athülünkhi liberü ah de mükheahlah.