2 PETER 1:21 - AMÜSÜH HÜM CL Bible (BSI)

²¹ tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

2 PETER 1:21 Iomraidhean Croise

2 SAMUEL 23:2

Atungpuh menü I hode asukchoh, api yu I mulo kheak kihlah.

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

1 KIULONG THSÜRÜ 17:24

Jumonü alibenü Elija ki tha, “ Kheakü nü Thrünpuh mihtsürü ah de inü mükheahlah, tüsho nü mün ching lakhi Atungpuh yu thiyuro ah.”

2 KIULONG THSÜRÜ 4:22

Judüki alibenü aniubuh ji tüsho tha, “I kilim yamlarü khülang tüsho donki khülang arüshang, junangde inü nahde Thrünpuh mihtsürü kilim yübah tüsho alode arübah.”

2 KIULONG THSÜRÜ 4:7

Alibenü arübah Thrünpuh mihtsürü ki tha, tüsho apinü tha, “Yübah müdangke yinang tüsho nü shozüng shakang, tüsho nü le nü tsührübo lapü suhde aningbah.”

2 KIULONG THSÜRÜ 4:9

Alibenü aniubuh ki tha, “ Kheahang, ha mihtsürü mutuklode isa limro hode alabuh ha dükde Thrünpuh mihtsürü amüsüh ah.

2 KIULONG THSÜRÜ 6:10

Thrünpuh mihtsürünü asukkhi dangpung ching Israel kiulongthsüpuhnü thiyusheak yüshih. Apinü khülang ki yungsho mahne ki kheak hode ha dangpung ching müzünde tha, junangde kurhangde alakheah.

2 KIULONG THSÜRÜ 6:15

Küyimki Thrünpuh mihtsürü yapsu mükikde asürübah awukhiukkhea, khorabo tüsho khora-lolungbe bebah bonungrübonü kiuto alala zündoa lakheah. Api yamlabuhnü tha, “Aha, aputungpuh! Isa küde athsüba?”

1 KIUTHSÜYUKHEAN 23:14

tüshe Thrünpuh mihtsürü Mosa thsungkheak a, api tsührübo ju Levi trük lung kheyuk.

2 KIUTHSÜYUKHEAN 8:14

Abuh David yuzüng yande, apinü amükeamrübo chamnakkhi arü tankihpü thsungkheak, Levirü thsungkheak mungshi rhimo yambo tüsho nimung aban yihnüpü lakhi amükeamrü rungpü rhimobo, tüsho ripit aphuaphu thsungkheak ripit neakrü chamnakbo; tümütüsho junangde Thrünpuh mihtsürü Davidnü thiyukhüm jih.

JEREMIA 23:26

Wukihrübonü arü lümkhi akeangyu müchitkhi akeangyu wukihrü mulong ching külokhüh laba?

EZEKIEL 1:3

Kebar Ayung ki Kaldearü lomi ching, Buzi tsührü amükeambuh Ezekiel kilim Atungpuh yu arü; tüsho ju ching Atungpuh khah api kheak lakheah.

MIKA 1:1

Juda kiulongthsürübo Jotham, Ahaz tüsho Hezekia nimungbo ching apinü Samaria tüsho Jirusalem dünkheak ngükhi Moreshethrü Mika ki arükhi Atungpuh yu.

MIKA 3:7

angürübo mungchihbah, tüsho müchitrü achih ngübah; arü alalanü arü münküp muhiudobah, tümüde Thrünpuh kilimnü alojihkhi müla.

WÜHKHE 16:28

Tüsho Mosanü tha, “ Ha hode harübo rhimoshihpü Atungpuhnü thiyikheah de nüsanü amükheahbah, tümüde jurübo inü amulongkhi chingnü rhimochoh yung.

MARK 12:36

Tümütüsho Amüsüh Me hode Davidnü tha: ‘Atungpuhnü I Tungpuh ki tha, “Inü nü riribo nü jing jungpung mükamshihyikia I khah tsülim binang.”’

LUKNÜ ATHRÜTKHI THIYUSHEAK-ATSÜ HUHTANYU 1:70

adüsonü alakhi api yo amüsüh wukihrübo mün hode apinü asukkhi nangde,

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

YUNIRÜBO RHIMO 28:25

Jumonü Paulnü ha thachoki arü bolung marüpachihde chamachih: “Nüsa jipürü ki Isaia wukihrü hode Amüsüh Menü athakhi ju alungki lakheah:

YUNIRÜBO RHIMO 3:18

Tüshe wukihrübo alala mün hode Khrista thsünüpü Thrünpuhnü tümü thajungkheanü ha dünjido.

YUZÜNGTHALO 33:1

Ha müngühmühi ha Thrünpuh mihtsürü Mosanü api shepü müngüh Israel tsührübo müngühjihkhi ah.

IBRI 10:15

Tüsho Amüsüh Menü she I thiyumütsan thsüchoh; akhuhde apinü thachoh,

IBRI 3:7

Jumonü, Amüsüh Menü athakhi nangde, “Khihni, küyimki nüsanü api düsheak sobanü,

IBRI 9:8

Ha hode aleangbe arüngkhimyam zhip khiungdüa arüngakopung ching yüzahpü limro mükhimshuh de Amüsüh Menü huhchoh.

JIHUSUA 14:6

Judüki mihtsürü khürü Juda trük chingnü Gilgal ching Jihusua kilim arü; tüsho Kenizrü Jephunne tsührü Kalebnü api ki tha, “ Kadesh-barnea ching Atungpuhnü I tüsho nü dünkheak Thrünpuh mihtsürü, Mosa ki tümü thakheanü nünü mükheahlah.

1 PETER 1:11

Khrista thsünüpü tüsho jushu müretah lapü müchitchoki, arü kheak lakhi Khrista Menü ahuhkhi yande küdürü mihtsürü yungsho tümü kim labaki de arünü yimakheah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.