2 PETER 1:19 - AMÜSÜH HÜM CL Bible (BSI)

¹⁹ Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

2 PETER 1:19 Iomraidhean Croise

MUNGSHIKHÜN 119:105

Nü yu ju I jing ki tsün tüsho I limro ching ayin khülang ah.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

ISAIA 14:12

“ Nü küruk yinmi chingnü ayokhikhea, O Animung Chining, Yapsu tsührü! Nü küruk alo kheak kiushaka keamshihkhea, nü shepünü trükshihbo keamkhishihkhea!

ISAIA 41:26

Shepünü atankih chingnü ha müchita lakhea, junangde isanü mükheah-a labah, tüsho akhuhlimnü a, junangde isanü athabah, “Api alungki ah?” Ha khipkhitpü she mülakheah, azhiyukpü she mülakheah, nü yubo sorü she mülakheah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

ISAIA 9:2

Amiting ching tsahrü mihtsürünü ayin ato khülang ngüdo; amiting lomi ching larü kheak ayin tahkihdo.

MATHI 4:16

amiting ching larü mihtsürübonü ayin ato khülang ngü; ashe alamme lomi ching larü kheak ayin akhiuk.”

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

JOHAN 5:39

Nüsanü amüsühyubo yimchoh, tümüde jurü ching akheam müla rhangdung lah de nüsanü lümchoh; tüsho harünü I thiyumütsan thsüchoh.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

YUNIRÜBO RHIMO 15:29

junangde nüsanü sangthsü kingaünkhi, thiyih, athünitsahkhi, tüsho müzammüram chingnü akümkangbah. Nüsanü harü chingnü tsokhide lasho tsüde arhimobah, tsüde laang.”

YUNIRÜBO RHIMO 17:11

Harü Jihudarü a Tesalonika ching larü ruk yungde yakli atsü lakheah, tümüde arünü thiyusheak ju künsahde leangkhi tüsho ju atsütsü a shi de nimung aban amüsühyu yimakheah.

IBRI 2:2

Tümüde yunirübonü akhipkhitkhi yusheak ju thiyuro tüsho athsümünim le mihyumanikhi aban thsümüchi leangkhikheasho,

JAKOB 2:8

Nüsanü atsütsü amüsühyu yande, “Nünü nü yamhingrü ki nihbuh nangde muzhoang,” dükhi kiulongthsü yakzan rhimochosho, tsüde rhimochoh.

1 PETER 1:10

Ha akhümkhit dünkheaknü wukihrübonü düshihde yimakheah tüsho Thrünpuhnü nüsa kilim jihpü amüthsüm dünkheak müchit;

1 JOHAN 5:10

Shepünü Thrünpuh tsührü kinchonü amulong ching ha thiyumütsan lah. Shepünü Thrünpuh mükinnü api akeangyu tharü kamshihdo, tümütüsho Thrünpuhnü atsührü dünkheak thiyumütsan thsükhi ching apinü mükin.

3 JOHAN 1:6

Arünü nü muzho dünkheak borü ki thado. Thrünpuh tankihkhi ching ayekhi thsüde nünü arü hantsah ching tsüde thiyia yüshang.

AMIKHEAKAKHIUKKHI 2:28

inü api kilim yapsu chiningthülü jihbah.

AMIKHEAKAKHIUKKHI 22:16

“I Jisunü borübo thsungkheak ha thiyumütsan lubah I yunirü nüsa kilim thiyido. I ju David ying tüsho tsühsoniuso, yapsu chiningthülü ah.”