2 KORINT 9:8 - AMÜSÜH HÜM CL Bible (BSI)

⁸ Tüsho Thrünpuhnü nüsa kilim müngühmühi lüpdükhi suhdahde ajihpü kuklah, junangde nüsa kamruhroro lüpdükhi suhdahde alabah tüsho rhimo atsübo thsungkheak suhdahde ajihbah.

2 KORINT 9:8 Iomraidhean Croise

2 KIUTHSÜYUKHEAN 25:9

Amazianü Thrünpuh mihtsürü ki tha, “Tüshe inü Israel bonungrü kilim jihkhi shotoyinchi khahngak 3400 dünkheak isanü küde athsüpü?” Thrünpuh mihtsürünü alo, “Atungpuhnü ha kheaknü alü nü kilim jihkhuklah.”

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MÜCHITMUDU 10:22

Atungpuh müngühmühinü lakhit hande arüchoh, tüsho apinü ju ching küpkhuk muyukajakchoh.

MÜCHITMUDU 11:24

Mihtsürü khürünü arü sho phinphurukde bahchoh tüshe alarü lang kamchoh. Püpürünü mükihmürachoh, tüshe zhochihde kamchoh.

MÜCHITMUDU 28:27

Shepünü zhochihrü kilim jihchonü zholümde müla, tüshe shepünü mükbo tukchonü muthrumüneanbo ahihdo labah.

MÜCHITMUDU 3:9

Nü lakhitbo tüsho nü rünkihkhi alala akhuh asokhibonü Atungpuh wüntre jihang;

HAGGAI 2:8

Shotoyinchi I yo, tüsho suna I yo, Wuto Atungpuhnü thachoh.

MALAKI 3:10

Thürü shihcham alala zowupung ching hande arang, junangde I yam ching tsühyungbe labah, tüsho hanü I rükakiang, Wuto Atungpuhnü thachoh; inü nüsa thsungkheak thüning ripitbo khimshuhbah müngühmühi mikhiukde bukkhishihnahnü kheahang.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

2 KORINT 13:3

tümütüsho Khristanü I hode asukchoh de nüsa künkhi alala nüsanü amütsanbah. Apinü nüsa lung yihnüpü thsüchoki api yiuhyiuhde müla, tüshe nüsa bolung api wu huhchoh.

2 KORINT 8:19

tüsho ju lang yung, tüshe Atungpuh müretahpü tüsho isa rhimo atsü huhpü, amüthsüm rhimode alakhi isa lung tsahshihpü borübonü api thiyi.

2 KORINT 8:2

tümüde arübo küpkhukbonü mütsüdakde rükaki; tüshe arü zhochih-a lalashe khide salade jih-chungkhinü arü asühpü ato lakheah.

2 KORINT 8:7

Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.

2 KORINT 9:11

Nüsa limro lüpdükhi ching lakhitshihbah, junangde kim aban salade alabah, tüsho isa hode nüsa salakhinü Thrünpuh ki makshe jihshihbah;

EFISIA 2:10

Tümüde isa ju Thrünpuhnü amüngühnü jurü ching isa tsahshihpü thsakhamjihkhi rhimo atsübo thsungkheak Jisu Khrista ching thrünkhi api rhimo ah.

EFISIA 3:20

Kheakü shepü wunü isa pang ching rhimode isanü akeokhipü tüsho alümpü alala kheaknü alü thsüde arhimokhukpü lanü api kilim,

FILIPI 4:11

I yihnüpü lamonü ha thachoh yung, tümütüsho tümütümü kuhi thsüthsü she I reangkeampü inü anikhitdo.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

2 TESALONIKA 2:17

nüsa mulong shukheamshang tüsho rhimo atsü aban tüsho thiyu ching düküngde kamshang.

2 TIMOTHI 2:21

Khürünü mübanmukhiungbe ching junü tsangkhitsho, api adungto ahoribe kukruk kambah, amüsühkhitbah tüsho thüyam putungrü ki rhimo atsübo thsungkheak thsakhamkhi yihnüpü labah.

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

TITA 3:14

Atsütsü yihnüpü thsungkheak rungpü thsüde isa mihtsürübonü atsü rhimopü anikhitbeah; arünü alü mülakhi rhangdung mülabeah.

TITA 3:8

Ha thakhi dükdü ah. Inü a harü kheak nünü ningkihshihpü mulonglah, junangde sherünü Thrünpuh kheak kinkheanü atsü rhimopü kümkangbah. Harü ha atsüdak tüsho mihtsürübo kilim alü thsübe lah.

1 PETER 4:10

Mihbüm abannü, Thrünpuh thsambah aphuaphu kümsorü thsüde, apinü Thrünpuh kilimnü aleangkhikhi ju püpürü tsüpü thsungkheak ahoribeah.