2 KORINT 9:15 - AMÜSÜH HÜM CL Bible (BSI)

¹⁵ Müthakhukbe api thsambah thsungkheak Thrünpuh kilim makshe jihang!

2 KORINT 9:15 Iomraidhean Croise

1 KIUTHSÜYUKHEAN 16:35

Kheaküshe thaang: “Isa khümkhitang, O isa khümkhitrü Thrünpuh, tüsho isa bemukhungang tüsho isa trükshih bolungnü khümkhitang, junangde isanü nü mung amüsüh kilim makshe jihbah, tüsho nü shikhi ching müretahbah.

1 KIUTHSÜYUKHEAN 16:8

O Atungpuh kilim makshe jihang, api mung jiang, mihtsürü bolung api rhimobo mükheahshang.

MUNGSHIKHÜN 30:12

Junangde I menü nü shijihbah tüsho zhikde müla. O Atungpuh I Thrünpuh, inü lünnü nü ki makshe jihbah.

MUNGSHIKHÜN 30:4

Atungpuh shikhi khün thsang, nüsa api yo amüsührübo, tüsho api amüsüh wung lümkhitde makshe jihang.

MUNGSHIKHÜN 92:1

Atungpuh kilim makshe jihpü, tüsho nü mung shide khün thsüpü tsülah, O Khide Achang;

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

LUKNÜ ATHRÜTKHI THIYUSHEAK-ATSÜ HUHTANYU 2:38

Tüsho ju kim ching atubah alibenü Thrünpuh ki makshe jih, tüsho Jirusalem rhokhitpü kheahde alarü alala ki api dünkheak asuk.

JOHAN 1:16

Tüsho api kim khiukkhi ching isanü müngühmühi kheaknü müngühmühi leangkhi.

JOHAN 3:16

“Tümütüsho Thrünpuhnü alomiküp muzhokhinü api tsührü lapkhiung jih, junangde shepünü api kheak kinbanü müdükheak tüshe akheam müla rhangdung labah.

ROMRÜ KILIM PAULNÜ ATHRÜTKHI KIHÜM HUHTANYU 5:15

Tüshe akeang thsambah ju alakmihkhi nangde yung. Tümütüsho mihtsürü khülangnü alakmihkhi hode ahihdo shekheasho, mihtsürü khülang Jisu khrista amüthsüm ching ahihdo thsungkheak Thrünpuh amüthsüm tüsho akeang thsambah lah.

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

1 KORINT 15:57

Tüshe isa Atungpuh Jisu Khrista hode isa kilim akuk ngükhi jihbuh Thrünpuh ki makshe jihang.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

2 KORINT 9:11

Nüsa limro lüpdükhi ching lakhitshihbah, junangde kim aban salade alabah, tüsho isa hode nüsa salakhinü Thrünpuh ki makshe jihshihbah;

2 KORINT 9:14

Tüsho Thrünpuhnü nüsa kilim münchi hode amüthsüm jihkhinü, arünü sükde amuzho lade nüsa thsungkheak tamkhüntamnüjihbah.

EFISIA 5:20

isa Atungpuh Jisu Khrista mung chingnü lüpdükhi thsungkheak Abuh Thrünpuh kilim kamruhroro makshe jihang.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

AMIKHEAKAKHIUKKHI 4:9

Tüsho küyimki arhang shiwühbo kiulongthsü-binkiu kheak binkhi, lünnü lün labuh kilim müretah, wüntre tüsho makshe jihbanü,