2 KORINT 9:14 - AMÜSÜH HÜM CL Bible (BSI)

¹⁴ Tüsho Thrünpuhnü nüsa kilim münchi hode amüthsüm jihkhinü, arünü sükde amuzho lade nüsa thsungkheak tamkhüntamnüjihbah.

2 KORINT 9:14 Iomraidhean Croise

2 SAMUEL 13:29

Jumonü Absalomnü thiyukhüm jihkhi nangde ayamlarübonü Amnon kheak rhimo. Judüki kiulongthsüpuh tsührübo alala asürü tüsho nihbuh khoranunu kheak yükihbah tsokhamabah.

MÜCHITMUDU 11:26

Shepünü hi mükihde azobanü mihtsürübonü athruajichoh, tüshe shepünü ayinjihbanü arünü api shijihchoh.

LUKNÜ ATHRÜTKHI THIYUSHEAK-ATSÜ HUHTANYU 16:9

Inü nüsa ki thachoh, nü thsungkheaknü alomi lakhit ju nü müyamrübo alü thsüpü rhimoang, junangde küyimki ju mülade akambanü, akheam müla lapungbo ching nü beyukbah.

ROMRÜ KILIM PAULNÜ ATHRÜTKHI KIHÜM HUHTANYU 1:11

Tümüde nüsa düküngshihpü thsüde me thsambah jihpü inü nüsa shorupü mulong duklah,

2 KORINT 1:11

Nüsanü she tamkhüntamnü hode isa rungbeah, junangde ahihkhühnü tamkhüntamnü alojihde isa ki müngühmühi mülüjihkhi thsungkheak isa thsung thsüde ahihkhühnü makshe jihbah.

2 KORINT 8:1

Keoniorübo, Macedonia borübo ching huhkhi Thrünpuh amüthsüm nüsanü mükheahshihnelah,

2 KORINT 9:13

Ha tankihkhi mütsankhi ching, nüsanü Khrista thiyusheak-atsü mihyuanikhi tüsho arü le püpürü alala thsungkheak salade arungkhi hode arünü Thrünpuh müretahshihbah.

2 KORINT 9:15

Müthakhukbe api thsambah thsungkheak Thrünpuh kilim makshe jihang!

FILIPI 1:8

Tümüde Jisu Khrista amuzhonü inü künangde nüsa alala thsungkheak mulong dukchonü Thrünpuh ju I thiyumütsan lah.

FILIPI 2:26

tümüde apinü nüsa alala thsungkheak mürheangde lüm, tüsho nüsanü api tukthsülah de asokhi hode api lümthsünü.

FILIPI 4:1

Jumonü inü muzhokhi tüsho lümrhihkhi, I asühkhi tüsho I kuthran, I keoniorü, inü muzhokhi müyamrübo Atungpuh lung düküngde zhipang.

1 TIMOTHI 1:14

Jisu Khrista ching akin tüsho amuzho kheak khiode Atungpuh amüthsüm I kheak suhdahde dungkihjih.