2 KORINT 8:9 - AMÜSÜH HÜM CL Bible (BSI)

⁹ Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

2 KORINT 8:9 Iomraidhean Croise

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 62:1

Anihbe akuk ngükhi yapsu nangde mütahyi khiungde, tüsho anihbe akhümkhit tsün nangde mütahyi khiungde, Zion thsungkheaknü inü zhikde müla, tüsho Jirusalem thsungkheaknü inü sühakhim mulu.

ISAIA 65:8

Atungpuhnü ha thachoh: Kurungaso ching yukhu ngüchoh, tüsho arünü tha, “Ha düthsümünim, tümüde ju ching müngühmühi lah,” jumonü I yamlarü thsülimnü inü arhimobah, tüsho arü alala müthsümünim.

MATHI 17:27

Tütüshe arü mulong yuribah mütsüle, keto ching yübah keang jipyukang, tüsho akhuh akhiukkhi thüngüh luang. Küyimki amün khimshuhbanü nünü yinchi-sho 1 ngübah; ju luang tüsho ike dün arü kilim jihang.”

MATHI 20:28

Mihtsürü Tsührü she tankihshihpü yung tüshe tankihpü tüsho ahihdo rhokhitpü api rhangdung jihpü arükheah!”

MATHI 8:20

Tüsho Jisunü api ki alo, “Rimrebo lungkhünbo lah, tüsho wuhnubo asapbo lah, tüshe Mihtsürü Tsührü a ku alampung müla.”

MARK 6:3

Ha Mari tsührü, tüsho Jakob, Josep, Juda, tüsho Simon pürü akhiung sangrhimosorü yung de? Tüsho api niurü aliberübo ha ching isa lung lah.” Tüsho arünü api bahyuk.

LUKNÜ ATHRÜTKHI THIYUSHEAK-ATSÜ HUHTANYU 16:11

Jumonü nünü alomi lakhit ching thiyuro mülakheasho, shepünü nü kilim thiyuro lakhit jihpü?

LUKNÜ ATHRÜTKHI THIYUSHEAK-ATSÜ HUHTANYU 2:7

tüsho alibenü nihbe tsührü akhuhbe zübe. Alibenü api ju khim chingnü hinga hi-müjakpung ching yapshih, tümütüsho arü binpü hanyam ching khiungshak mülade alakheah.

LUKNÜ ATHRÜTKHI THIYUSHEAK-ATSÜ HUHTANYU 8:3

tüsho Herod yam ching atorü Khuza niube Joanna, Susanna, tüsho arünü athsükhukkhi chingnü arü ki jihchungrü püpürü ahihdo lakheah.

LUKNÜ ATHRÜTKHI THIYUSHEAK-ATSÜ HUHTANYU 9:58

Tüsho Jisunü api ki tha, “Rimrebo arü khünbo lah tüsho thüning wuhnubo arü sapbo lah, tüshe Mihtsürü Tsührü a küching she kurampung müla.”

JOHAN 1:10

Api alomi ching lakheah, alomi ju api hode thrün, tüsho alominü api mümükheah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 12:30

Jisunü tha, “Ha düsheak ju I yungde nüsa thsungkheak ah.

JOHAN 16:15

I Buh lakhi alala I yo ah. Jumonü inü athakhi apinü alubah tüsho nüsa ki ju khipkhitbah de inü nüsa ki thakheah.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

ROMRÜ KILIM PAULNÜ ATHRÜTKHI KIHÜM HUHTANYU 11:12

Kheakü arünü alakmihkhi alomi thsungkheak lakhitbo kamsho tüsho arü mukukzamkhi khiungkerü lakhitbo kamsho, arü alala kheyuksho küdükhüh alü laba!

ROMRÜ KILIM PAULNÜ ATHRÜTKHI KIHÜM HUHTANYU 15:3

Tümütüsho Khristanü nihbuh masühshih; tüshe amüsühyu ching thrütkhi nangde, “Nü mükhemükimkhibo I kheak keam.”

ROMRÜ KILIM PAULNÜ ATHRÜTKHI KIHÜM HUHTANYU 5:8

Tüshe isa aneakrü lachoki isa thsungkheak Khrista shekhinü Thrünpuhnü isa thsungkheak api muzho huh.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

1 KORINT 1:4

Khrista hode nüsa kilim jihkhi Thrünpuh amüthsüm dünkheak kamruhroro inü nüsa thsungkheak Thrünpuh kilim makshe jihchoh.

1 KORINT 15:47

Akhuh mihtsürü alomi chingnü, asungthulung mihtsürü ah; mahnepü mihtsürü ju yinmi chingnü ah.

2 KORINT 13:14

Atungpuh Jisu Khrista amüthsüm, Thrünpuh amuzho tüsho Amüsüh Me arihako nüsa alala lung laang.

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

EFISIA 2:7

junangde arübe lün ching Jisu Khrista ching isa muzhokhi makekhukbe api amüthsüm lakhitbo huhbah.

EFISIA 3:19

tüsho mükheahmudu zhichoki Khrista amuzho mükheahpü labah, junangde Thrünpuh khiukdahkhinü nüsa mide akambah.

EFISIA 3:8

Amüsührü bolung alala kheaknü I aninibe thsüa lalashe, khiungkerü kilim müyimkhitkhukbe Khrista lakhit, ha amüthsüm I kilim jihdo,

KOLOSI 1:24

Kheakü nüsa dünkheak thsünükhi ching I asühchoh, tüsho Khristanü api pang, ju borü dünkheak thsünükhi ching mübanthsangkhi I shih ching inü banthsangshihchoh.

1 TIMOTHI 6:18

Arünü atsü rhimode, atsü rhimokhi ching lakhitde, salade tüsho jihchungpü künde alabeah,

IBRI 1:2

tüshe harü akheam nimungbo ching a api hode alomi thrünbah alala yamrüplurüp lubuh kamshihkhi atsührü hode isa ki asuk.

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.