2 KORINT 8:7 - AMÜSÜH HÜM CL Bible (BSI)

⁷ Tüshe nüsa lüpdükhi–akin ching, thiyu thapü ching, mükheahmudu ching, künsahkhi ching, tüsho isa muzhokhi ching suhdahkhi nangde amüthsüm ching she suhdahpü thsang.

2 KORINT 8:7 Iomraidhean Croise

MATHI 25:22

“Shepünü suna shonak 2000 leangkhikheanü arübah tha, ‘Atungpuh, nünü I kilim suna shonak 2000 jih; kheahang, inü ju ching suna shonak püpü 2000 alü thsüjihdo.’

ROMRÜ KILIM PAULNÜ ATHRÜTKHI KIHÜM HUHTANYU 15:14

I keoniorübo, nüsa atsünü mide, mükheahmudu alalanü mide, tüsho khülangnü khülang thsangdanachihpü kukkhi hode nüsa dünkheak I reangkeamlah.

1 KORINT 1:5

Tümüde Khrista lung arihkhi ching, thiyutha tüsho mükheahmudu bede lüpdükhi ching nüsa alarü kamdo.

1 KORINT 12:13

Tümütüsho Jihudarü yungsho Greekrü, azhorü yungsho zuzu larü thsüthsü isa alala pang khülang ching Me khülangnü baptijih tüsho Me khülang yungshih.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

1 KORINT 13:2

Tüsho müchitpü wubo, aramyu alala anikhitpü tüsho mükheahmudu alala lalashe tüsho awungbo lah-a bahpü I akin alala lalashe, amuzho mülasho I tümü müla.

1 KORINT 13:8

Amuzho küyimkishe mükheam; tümüde müchitkhibo hode tsoabahbah; thiyuthabo arün thsübah; mükheahmudu hode tsoabahbah.

1 KORINT 14:12

Junangde nüsa kheak lah; tümütüsho nüsanü me thsambahbo ngüpü künde lale, borü shuhkihpü thsüde thsambahbo ching tsüdakpü mürangang.

1 KORINT 4:7

Tümütüsho shepünü püpürü kheaknü nüsa büthsüde kamshihcho? Nüsa müngükhi tümü la? Tüsho nüsanü ju leangkhia lasho, tümüde nüsanü müleangkhikhi nangde kükheangcho?

2 KORINT 7:7

tüsho api arükhinü lang yung, tüshe nüsanü api kilim mulong shukheam jihkhinü she ah. Nüsanü I mürheangkhi, sükde nüsa mulong rozhakkhi, nüsanü mulongsahde lümrhihkhi isa ki thado, junangde inü alü thsüde asüh.

2 KORINT 8:6

Jumonü apinü tankih-a lakhi nangde, nüsa bolung ha amüthsüm banthsangpü isanü Tita ki tuthsuk.

2 KORINT 9:14

Tüsho Thrünpuhnü nüsa kilim münchi hode amüthsüm jihkhinü, arünü sükde amuzho lade nüsa thsungkheak tamkhüntamnüjihbah.

2 KORINT 9:8

Tüsho Thrünpuhnü nüsa kilim müngühmühi lüpdükhi suhdahde ajihpü kuklah, junangde nüsa kamruhroro lüpdükhi suhdahde alabah tüsho rhimo atsübo thsungkheak suhdahde ajihbah.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 1:9

Tüsho nüsa amuzho ju mükheahmudu tüsho mütsankhitpü bede alü zokihpü I tamkhüntamnü lah,

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

2 TIMOTHI 2:1

Jumonü I tsah-a, Jisu Khrista kheak lakhi amüthsüm ching düküngang,

IBRI 12:28

Jumonü isanü müniukkhukpü lakhi kiulongthsü leangkhikhi thsungkheak asühanü, tüsho junangde isanü wüntre tüsho trede Thrünpuh kilim aleangkhikhukbe kingaünanü;

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.