2 KORINT 8:3 - AMÜSÜH HÜM CL Bible (BSI)

³ Tümütüsho arünü athsükhukkhi tüsho ju kihode salade jihdo de inü thiyumütsan thsükhuklah,

2 KORINT 8:3 Iomraidhean Croise

1 KIUTHSÜYUKHEAN 29:9

Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

ABEKHIT 35:29

Israelrü athrürü tüsho aliberübonü arünü arhimobe Mosa hode thiyukhüm jihkhi thsungkheak amulongrü alalanü mulongkhi kingaün Atungpuh kilim ludarü.

ABEKHIT 35:5

Atungpuh kilim kingaün khülang thsakhamang. Mulong salade alarünü Atungpuh kilim kingaün khülang hande arüshang: suna, shotoyinchi, tüsho müwayinchi;

MARK 14:8

Alibenü tümü kuklanü anihbenü rhimodo. Alibenü I mi bahpü thsungkheak müdangkenü I pang mujupü amüngühnü arüdo.

YUNIRÜBO RHIMO 11:29

Tüsho mihbüm aban nihbuhnü akukkhi thülün Judea ching lakhi keoniorübo rungpü yüshihpü jingyanrübonü pungkhi;

ROMRÜ KILIM PAULNÜ ATHRÜTKHI KIHÜM HUHTANYU 10:2

Arünü Thrünpuh thsungkheak mulong jihlah de inü thiyumütsan thsükhuklah, tüshe arünü thiyuro mükheahmudu kheak müningkih.

1 KORINT 16:2

Amu-khip akhuhbe nimung nüsa mihbüm abannü nihbuh lalim ayannü tümükhüh zomukhungang, junangde küyimki I arübanü müthrezüthredo.

1 KORINT 9:17

Tümüde inü ha akeangnü rhimosho, I thsambah khülang lah; tüshe akeangnü yungsho, I a le athiyikhi rhimo lang rhimochoh.

GALATIA 4:15

Nüsa asühkhi tümü kama la? Kukkhülaa nüsanü nüsa mükjibo khünkhita I kilim jihbah de inü nüsa ki thiyumütsan thsüchoh.

FILIPI 2:13

tümüde amulongpü tüsho api lümkhi atsü rhimopü nü kheak rhimokhi ju Thrünpuh ah.

KOLOSI 4:13

Tümüde apinü nüsa le Laodikea tüsho Hierapoli ching larü thsungkheak mürangde rhimodo de inü api thiyumütsan thsüchoh.

1 TESALONIKA 2:8

Jumonü, nüsa khide amuzhokhinü isanü nüsa ki Thrünpuh thiyusheakatsü lang yung tüshe isa nihbuh rhangdung she ajihpü thsakhambah alakheah, tümütüsho isanü nüsa khide muzhode kam.

PHILEMON 1:14

tüshe nünü mulongkhi ju reangkihde yung tüshe nü zuzu lümkhi hode alapü thsüde nünü mümülüde inü tümü mürhimo.

1 PETER 4:11

Shepünü thachonü Thrünpuh yu thabeah; shepünü tankihchonü, Thrünpuhnü api kilim jihkhi sühmühnü atankihbeah, junangde lüpdükhi ching Jisu Khrista hode Thrünpuh müretahbah. Müretah tüsho wu lünnü lün api yo ah. Amen.

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,