2 KORINT 8:23 - AMÜSÜH HÜM CL Bible (BSI)

²³ Tita a I atrurü tüsho nüsa tankihpü ching rukhüh rhimorü ah tüsho keoniorübo ju a Khrista müretah borübo yunithsürübo ah.

2 KORINT 8:23 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 5:10

tüsho Simon lung rungachihrü Zebedee tsührübo Jakob le Johan büne she alakheah. Tüsho Jisunü Simon ki tha, “Dütre; kheakünü ründe nünü mihtsürü rambah.”

LUKNÜ ATHRÜTKHI THIYUSHEAK-ATSÜ HUHTANYU 5:7

Jumonü arünü arübah arungshihpü sangkung püpü ching arü rungachihrü kilim arü khah ayit. Arübo arü tüsho sangkung ane chido mikhiukde akamkhinü keamyukde ayüzahpü tankih.

JOHAN 13:16

Atsütsü inü nüsa ki thachoh, yamlarü khülang ju api putungrü kheaknü atobe yung; yungsho shepü thiyia lanü api thiyibuh kheaknü atobe yung.

1 KORINT 11:7

Tümüde athrürünü api ku müdukiubeah; tümütüsho Thrünpuh kiphahkhi tüsho müretahkhi lah; tüshe aliberü a athrürü müretahkhi lah.

2 KORINT 12:18

Inü Tita yüpü tuthsuk, tüsho keoniorü api lung thiyi. Titanü nüsa thsümüchih-a la de? Ikenü lümkhi rukhüh rhimokhi yung de? Ikenü jingdükü rukhüh dükükhi yung de?

2 KORINT 7:6

Tüshe akheamkhibe ching larü mulong shukheamrü Thrünpuhnü Tita arüshihde isa mulong shukheam,

2 KORINT 8:16

Inü nüsa thsungkheak lakhi nangde Tita mulong ching alümrhihpü jihbuh Thrünpuh ki makshe jihang.

2 KORINT 8:18

Isanü api lung thiyusheak-atsü thsangyuthsangrakhi ching borübo alalanü athukhi keoniorü thiyichoh;

2 KORINT 8:19

tüsho ju lang yung, tüshe Atungpuh müretahpü tüsho isa rhimo atsü huhpü, amüthsüm rhimode alakhi isa lung tsahshihpü borübonü api thiyi.

2 KORINT 8:22

Tüsho isanü ahihkhüh ching künsahde amütsankhi, tüsho kheakü apinü nüsa kheak mulongram ato lakhinü alü künsahde alakhi isa keoniorü ane lung thiyichoh.

2 KORINT 8:6

Jumonü apinü tankih-a lakhi nangde, nüsa bolung ha amüthsüm banthsangpü isanü Tita ki tuthsuk.

FILIPI 2:25

I keoniorü rukhüh rhimorü tüsho rukhüh bonungrü, tüsho nüsa yunithsürü tüsho I yihnüpü ching tankihrü Epaphrodita nüsa kilim thiyipü yihnüpü lah de inü lüm,

FILIPI 4:3

Tüsho harü liberübo rungpü nüsa rukhüh rhimorü ki she inü keokhichoh, tümüde arünü Klement tüsho rhangdung hüm ching mungbo thrüta lakhi püpürü I lung rukhüh rhimorü lung thiyusheak-atsü ching banthsangde rhimodo.

KOLOSI 1:7

nüsa thsung thsüde thiyuro lakhi Khrista tankihrü isanü amuzhokhi yamlarü Epaphra kheaknü nüsanü asokhi nangde,

1 TESALONIKA 2:2

tüshe isa Filipi ching küpkhukde achih ngüa lalashe, azhihkhi ato mikhuh ching Thrünpuh thiyusheak-atsü nüsa ki khipkhitpü isa Thrünpuh kheak isa mulong tode alakheah de nüsanü mükheahlah.

2 TIMOTHI 4:10

Tümüde Demanü kheakü ha lomi muzhode I bahbah Tesalonika ching yüdo; Kresen Galatia ching, tüsho Tita Palmatia ching yüdo.

TITA 1:4

Rukhüh akin ching thiyuro I tsührü, Tita kilim: Abuh Thrünpuh tüsho isa khümkhitrü Jisu Khrista kilimnü amüthsüm tüsho mungtsü laang.

PHILEMON 1:17

Jumonü nünü I ju nü atrurü ah de lümsho, nünü I leangkhipü lakhi nangde api leangkhiang.

PHILEMON 1:24

Tüsho I lung rhimorü Mark, Aristarka, Dema, tüsho Luknü she ah.

3 JOHAN 1:8

Jumonü isabo thiyuro ching rukhüh rhimorü thsüpü thsüde isanü hadürü mihtsürü rungbeah.