2 KORINT 8:21 - AMÜSÜH HÜM CL Bible (BSI)

²¹ tümüde isanü mükkheahkih lakhi ju Atungpuh miki lang yungde mihtsürü miki she wüntre lapü lah.

2 KORINT 8:21 Iomraidhean Croise

1 KIULONG THSÜRÜ 18:34

Jushu apinü tha, “Mahne kipü she thsüloang”; tüsho arünü mahne kipü thsülo. Kheaküshe apinü tha, “Mahsam kipü thsang”; tüsho arünü mahsam kipü thsü,

MÜCHITMUDU 3:4

junangde nünü Thrünpuh tüsho mihtsürü miki amuzho tüsho mung atsü ngübah.

MATHI 23:5

Arünü mihtsürübonü angüshihpü thsüde arü rhimo alala thsüchoh; tümüde arünü kingkang kheak rümbe tode tüsho khimmüngam shangde zochoh;

MATHI 5:16

Mihtsürübo miki nüsa ayin tahshang, junangde arünü nüsa rhimo atsü ngübah tüsho yinmi ching nüsa Abuh müretahbah.

MATHI 6:1

“Mihtsürübonü angüshihpü arü miki nüsanü thiyuro-lungki mürhimopü kümkangang. Nüsanü rhimosho, yinmi ching nüsa Abuh kilimnü nüsa thsambah müngü.

MATHI 6:4

junangde nünü jihchungkhi ju amümürang thsüde alabah. Judüki nünü ramde arhimokhi ngübuh nü Buhnü nü kilim thsambah jihbah.

ROMRÜ KILIM PAULNÜ ATHRÜTKHI KIHÜM HUHTANYU 12:17

She ki she amütsü dün amütsü düjihlo, tüshe alala miki tümü atsüanü lümang.

ROMRÜ KILIM PAULNÜ ATHRÜTKHI KIHÜM HUHTANYU 14:18

shepünü hanangde Khrista tankihchonü Thrünpuh kilim aleangkhikhukbe tüsho mihtsürünü am de thachoh.

2 KORINT 2:17

Tümüde isa a püpürü ahihkhüh nangde Thrünpuh yu yinzüyindochoh yung; tüshe adüngakhide, Thrünpuh kilimnü, isanü Khrista ching Thrünpuh miki asukchoh.

2 KORINT 8:20

Isanü rhimode alakhi arung thsambah thsungkheak shenü matsangbeah de isanü lümlah,

2 KORINT 8:22

Tüsho isanü ahihkhüh ching künsahde amütsankhi, tüsho kheakü apinü nüsa kheak mulongram ato lakhinü alü künsahde alakhi isa keoniorü ane lung thiyichoh.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

1 TESALONIKA 5:22

amütsü mungjibo chingnü bahkhiang.

1 TIMOTHI 3:7

api ju aleangkheakrünü tsülah dükhi labeah, jude yungsho api mungchih tüsho amünean zheang ching keamyukbah.

1 TIMOTHI 5:14

Jumonü inü alümkhia anüphulung khimoberü a rhangbah tsührü lade, arü yambuk tsangshubeah, tüsho isa riri kilim isa azhihpü kim müjihbeah.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

RUTH 3:14

Jumonü alibenü yapsu khiungde ajing kheak yap, tüsho hanrü-akiu mümütsanchokinü asürü. Tüsho apinü tha, “ Alibe rhimopung ching arükheah de dümükheahshih.”